Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

24 për qind prej popullsisë pa ndihmë mjekësore – alarmojnë nga Akademia Bullgare e Shkencave

БНР Новини
Foto: arkiv

„Buxheti 2018“ u pranua në lexim të parë në Kuvend. Hapi tjetër ishte votimi i propozimit të qeverisë për ministër të ri të shëndetësisë. Partia në pushtet GERB zgjodhi jo një person nga qarqet mjekësore, por financierin Kirill Ananiev. Debati për këtë a duhet të ketë në këtë pozitë një mjek apo një specialist në financë është i vjetër. Dhe në se qeveria ke zgjedhur një ekonomist, kjo do të thotë se ajo nuk beson në mjekët – këto janë shqetësimet e administratorëve të lartë në fushën e mjekësisë.

Shëndetësia në Bullgari po shpërbëhet“ – është përfundimi i Doc. Dr. Zdravka Tonevës nga Akademia Bullgare e Shkencave. Ajo i referohet një studimi kombëtar të zhvilluar gjatë tri viteve të fundit. Tema e projektit, në të cilin morën pjesë shkencëtarë, sociologë dhe analizues, është “Shëndeti, cilësia e jetës, pabarazitë”. Të dhënat e mbledhura befasuan ekipin e docentes Toneva. Ata tregojnë se një e katërta e popullsisë së shtetit në fakt s’ka akses tek shërbimet mjekësore. Shumë njerëz, që jetojnë në fshatra nuk frekuentojë mjekë, bile nuk mund të blejnë ilaçe. Dhe problemi është se në shumë vende s’ka doktorë dhe farmaci dhe shpeshherë njerëzit s’kanë qasje në transportin urban – posaçërisht pensionistët. Analizat e studimit tregojnë se shkaku kryesor për shpërbërjen e sistemit të shëndetësisë është se shumë institucione shëndetësore shtetërore janë kthyer në shoqëri tregtare me qëllim rritjen e të ardhurave të tyre. Paradoksal është fakti se aktualisht shumë spitale grumbullojnë borxhe, kurse mjekët në to punojnë pa pagesa në vazhdim të disa muajve.

Studimi i Akademisë Bullgare të Shkencave për cilësinë e jetës së bullgarëve nga pikëpamja e çështjeve të shëndetësisë ka filluar më 2014-ën dhe në të janë përfshirë 2340 të anketuar nga rajone të ndryshme të shtetit. Të dhënat e mbledhura tregojnë se shteti gjithnjë e më shpesh i ngarkon tatimpaguesit me shpenzimet për shëndetin e tyre.

Po zhvillohet diskutim për reformën e dështuar të shëndetësisë. Gjatë saj mjekët dhe spitalet u bënë shoqëri tregtare dhe fitimi doli në vend të parë. Më e keqe është situata për njerëzit nga qytetet e vogla dhe fshatrat. 24% prej popullsisë është lënë pa shërbime mjekësore. Shpenzimet për shëndet të bullgarëve janë të konsiderueshme. Më shumë paguajnë ata për ndihmën mjekësore paraspitalore dhe për materiale të konsumueshme. Mjekimi jashtëspitalor, ekzaminimet dhe rehabilitimi gjithashtu nuk financohen plotësisht nga shteti. Kështu diferenca sociale mes bullgarëve thellohet akoma më shumë. Për njerëzit me të ardhura të ulëta shpenzimet për mjekim mund të arrijnë 50-90 për qind prej pagës apo pensionit të tyre. Sipas të dhënave të raportit ka raste, kur shpenzimet për mjekim i tejkalojnë të ardhurat e pacientëve dhe ata janë detyruar të marrin borxhe. E keqja është kjo se shumica e politikanëve nuk interesohen për të dhëna dhe studime të tilla të përgatitura nga shkencëtarët” – tha dr. Toneva.

Me docenten Toneva prej shumë kohësh vëzhgojmë këto probleme, i studiojmë dhe analizojmë. Ky projekt na ndihmoi t’i mbledhim informacionet e domosdoshme empirike për sistemin e shëndetësisë dhe cilësinë e jetës së bullgarëve  – tha Doc. Bozhidar Jovkov, udhëheqësi i studimit. Dhe vazhdoi:

Ky proces në sistemin e shëndetësisë, në të cilin pak nga pak mbizotërojnë parimet tregtare, nuk është në favor të njerëzve. Në këtë fushë ka shumë interesa ekonomike, shëndetin e konsiderojmë mall, fitimi është para së gjithësh dhe prandaj aktualisht gjërat duken sikur janë në një ngërç. Gjatë studimit konstatuam një diferencë shumë të madhe mes shpenzimeve për shëndet të pacientëve në spitalet publike dhe në ato private. Shpenzimet për taksa dhe produkte të konsumueshme janë të mëdha. Pabarazia sociale duket më qartë kur i krahasojmë mundësitë e pacientëve në kryeqytet me ato të banorëve të fshatrave. Ajo duket edhe mes grupmoshave të ndryshme. Situata është më e keqe për pensionistët që nuk kanë të ardhura alternative. Shpesh ata tërheqin borxhe për të zgjidhur problemet e tyre shëndetësore. Në fakt me kalimin e kohës këto probleme nuk zgjidhjen – përkundrazi, thellohen akoma më shumë” – është i mendimit Doc. Dr. Bozhidar Jovkov.

Përgatiti në shqip: Jordanka Ivanova



Последвайте ни и в Google News Showcase, за да научите най-важното от деня!

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD