1.9% është inflacioni në Bullgari që nga fillimi i vitit (tetori i vitit 2017 kundrejt dhjetorit të vitit 2016), kurse inflacioni vjetor për muajin tetor 2017 kundrejt tetorit 2016 është 2.5%, njoftuan nga Instituti Kombëtar i Statistikës. Indeksi i çmimeve të konsumit për tetorin e vitit 2017 kundrejt shtatorit të vitit 2017 është 100.6%, me fjalë të tjera inflacioni mujor është 0.6%. Inflacioni mesatar vjetor për periudhën nëntor 2016-tetor 2017 kundrejt periudhës nëntor 2015-tetor 2016 është 1.5%. Gjatë tremujorit të tretë të vitit 2017 produkti i brendshëm bruto rritet me 3.9% kundrejt tremujorit përkatës të vitit të mëparshëm dhe me 0.7 kundrejt tremujorit të dytë të vitit 2017. Koeficienti i papunësisë është 5.8% ose me 1.2 pikë më i ulët në krahasim me tremujorin e tretë të vitit 2016.