Sipas të dhënave të OKB-së Bullgaria është në vendin e katërt në botë për nga plakja e popullsisë. Kjo u njoftua në kuadrin e diskutimit “Përmirësim i gjendjes demografike të Bullgarisë” zhvilluar nën kujdestarinë e zëvendës kryeministrit Valeri Simeonov. Njerëzit në moshë mbi 60 vjeç tek ne përbejnë 26.1 për qind prej popullsisë. Sipas këtij treguesi vendi ynë radhitet pas Japonisë, Italisë dhe Gjermanisë. Popullsia e Bullgarisë brenda një periudhe 10-vjeçare, nga viti 2004 deri në vitin 2014, u ul me më se 558 mijë veta. Çdo vit vdesin përafërsisht 40-50 mijë veta. Aktualisht në tregun e punës nuk ka konflikt të brezave. Në se në fillim të shekullit nga tregu i punës dilnin 100 veta në vendin e tyre hynin 124 veta. Aktualisht kundrejt pensionimit të 100 vetave në tregun e punës hyjnë vetëm 64 të rinj.