Përball hyrjes së Televizionit Kombëtar Bullgar në Sofje, në vendin e  njërës prej fabrikave të para të birrës tek ne, tanimë është vënë skulptura dhe pllaka e nderit e vëllezërve Gjeorgji dhe Bogdan Proshek. Të dy çekët janë themeluesit e prodhimit të birrës në Bullgari. Skulptura i paraqet të dy vëllezërit, të ulur në një tavolinë, me buzë në gaz dhe me një krikëll bire në dorë. Autorët e saj janë Profesori Gjeorgji Çapkënov, Kosta Çapkënov dhe Stanisllava Çapkënova dhe arkitekti Stanisllav Konstantinov dhe është inauguruar me rastin e 170-vjetorit të lindjes së vëllait të madh-Gjeorgji Proshek. Monumenti është një shprehje e nderimit dhe të respektit ndaj veprimtarisë së dy personaliteteve të shquar, veprimtarë shoqërorë dhe kulturorë, të cilët e kanë zgjedhur Bullgarinë për atdheun e tyre të dytë. Ata kanë financuar ndërtimin e disa prej simboleve të kryeqytetit si Ura e Shqiponjave (Orlov most) dhe Ura e Luanëve (Lëvov most), Fabrika e birrës e të tjera.