Bullgari preferon të ngasë automobil me motor benzine, kurse zbritja prej 4 000 eurove që bëhet për blerjen e një makine elektrike nuk është një motiv i mjaftueshëm për të për të ndryshuar makinën e tij të vjetër. Ky është një investim, të cilin njeriu e shtyn për të ardhmen. Këto konkluzione i bëri Cvetelina Caneva – drejtoresha  e Asociacionit të Importuesve të Automobilave në Bullgari, në lidhje me vendimin e Bashkisë së Kryeqytetit të ndalojë regjistrimin e të gjithë automobilave të rinj jo ekologjikë dhe t’i ofrojë Policisë Rrugore 7 aparate për analizimin e cilësisë së ajrit, me të cilat të mund të maten dhe të llogariten emisionet e dëmshme në Sofje. Qëllimi është përmirësimi i cilësisë së ajrit. Aktualisht në asnjë nga pikat e Policisë Rrugore në vend nuk ka aparate të tilla dhe prandaj emetimet e makinave nuk kontrollohen.