Një katastrofë e rëndë rreth fshatit Mikre, rrethi i qytetit Lloveç, mori jetën e të paktën 9 vetave, kurse mbi 15 janë të plagosurit, disa nga të cilët janë në një gjendje kritike. Gjatë incidentit i cili ka ndodhur aty rreth orës 12.50, janë përplasur një mikrobus pasagjerësh dhe një kamion. Në mikrobus kanë udhëtuar një grup njerëzish të verbër, të cilët kanë qenë në ekskursion. Me urdhër të kryeministrit Bojko Borisov drejt vendit të katastrofës janë dërguar 4 automobila për reanimim nga spitalet e kryeqytetit Akademia Ushtarake Mjekësore dhe spitali “Llozenec”. Në vendin e incidentit është ministri i shëndetësisë Kirill Ananiev. Shkaqet për katastrofën e rëndë akoma po sqarohen.