Kur flitet për baletin modern dhe për eksperimentimin në sferën e koreografisë, pa dashje bëhet asociacion me Baletin “Arabesk”. Gjatë 50 viteve të ekzistencës ai u afirmua si një balet nga klasa botërore. Në këtë shkollë origjinale formohen artistë universal. “Që para 20 vitesh në konceptin e baletit “Arabesk” është ideja për skenën e hapur – rrëfen Borjana Seçanova, udhëheqëse artistike dhe drejtoreshë e formacionit, dhe vazhdon:
“Gjatë nëntorit ishte premiera e koreografëve Asen Nakov dhe Filip Millanov “Zhurma e qytetit – kutia e zezë”. Ky është një projekt, i cili realizohet jo vetëm me kërcimtarë nga trupi, por edhe me studentë dhe nxënës. Në fund të nëntorit do të prezantojmë shfaqjet e dekoruara në konkursin “Margarita Arnaudova”. Kjo është veprimtaria me më shumë rëndësi, që realizohet nga formacioni, sepse një nga kërkesat është, që koreografia e baletit të jenë nën mbi tingujt e muzikës bullgare. Vitet e fundit konkursi u zgjerua dhe shihet një pjesëmarrje ndërkombëtare. Një fakt i gëzueshëm është se edhe koreografë të huaj prezantojnë vepra me muzikë bullgare.”
Gjatë dhjetorit Baleti “Arabesk” do të shfaqë vepra të dashura si “Liqeni i mjellmave”, “Hirushja” dhe “Arrëthyesja”. Gjatë janarit admiruesit e baletit do të shikojnë ekspozitën me fotografi nga shfaqjet skenike të baletit. Në hapjen e saj do të prezantohet libri “50 çaste me artistët e baletit “Arabesk”. Ai përbën një tregim i historisë së formacionit rikrijuar nga koreografja shumëvjeçare e grupit Milla Iskrenova. Sezoni jubilar i baletit do të vazhdojë deri te verën e vitit 2018 me veprimtari interesante, të cilat do të prezantojnë arritjet më të mëdha të formacionit. Mirëpo, si kërcimtarët arrijnë të përballojnë të gjitha sfidat. Borjana Seçinova është kategorike, se:
“Kërkohet bindje, se atë që bën është prirja juaj. Të tillë janë kërcimtarët e Baletit “Arabesk”. Në sajë të punës me koreografët e huaj, artistët tanë arrijnë të përsosin teknikën. Që nga viti 2010 jemi pjesë e Grupit të Teatrit Muzikor Shtetëror “Stefan Makedonski”. Ngandonjëherë kjo krijon pengesa administrative, por nga ana tjetër disponojmë skenë për shfaqjet tona.”
Disa mendojnë, se liria e baletit të sotëm e bënë tepër të arritshëm. Është fakt se ka njerëz të cilët preferojnë vetëm shfaqjet klasike. Lidhur me këtë Borjana Seçanova shpjegon:
“Problemi i baletit është se ai është një art abstrakt. Ai disi i përngjan muzikës – disa preferojnë muzikën klasike, ndërsa të tjerë nuk dëshirojnë ta dëgjojnë. Baleti ndikon mbi shqisat. Njeriu vallëzon kur është i lumtur ose i dashuruar. Mirëpo, të gjithë njerëzit duhet të kenë të qartë, se nëpërmjet baletit mund të tregojnë ndjenjat e tyre.”
Përgatiti në shqip: Svetllana Dimitrova
Fotografi: BGNES
Bozhana Sllavkova fitoi konkursin më të madh ndërkombëtar të poezisë "Mili Dueli", duke qenë autorja e parë bullgare që fitoi çmimin e madh. Në edicionin e 9-të të konkursit morën pjesë 711 autorë nga 104 vende. Tre bullgarë arritën në 50-shen..
Krijuesi bullgar Dian Kostov transformon bazilikën më të madhe në Bruksel me ekspozitën-instalim “Udhëkryq – çmimi i zgjedhjes”, shkruan BTA. Skena 17 metra nga jeta e Krishtit dhe Virgjëreshës Mari, do të mund të shihen në fasadën e Bazilikës..
Shkrimtari shqiptar Grigor Banushi mbërrin në Bullgari për premierën e romanit të tij të ri "Simfonia e pambaruar”, në përkthim të doc. Ekaterina Tërpomanova, ish-kolege nga Redaksia e Gjuhës Shqipe . Ngjarja do të mbahet në Universitetin e..