Numri i blerësve, të cilët kanë lidhur marrëveshje për pronësi të patundshme në Bullgari gjatë vitit 2017 me qëllim pushime tashmë u barazua me atë të rusëve. Sipas analizave të fundit të një kompanie për pasuri të patundshme, blerësit bullgarë janë 35 për qind e tregut të përbashkët, kurse shtetasit rusë janë 36 për qind. Tregu vendas tashmë është i qëndrueshëm dhe jo i aktivizuar përkohshëm në dallim të atij rus. Shitësit e pronësive të patundshme nënvizojnë se tashmë jemi dëshmitarë të krijimit të kulturës së investimeve në prona të patundshme me qëllim pushime. Këtu përfshihen edhe bullgarët, të cilët punojnë dhe jetojnë jashtë shtetit. Ata interesohen kryesisht për prona në Sozopoll, Pomorie dhe Burgas. Si një grup i tretë blerësish formohen klientët nga Izraeli, të cilët pasi vijnë për pushime në vendin tonë e pëlqejnë shumë Bullgarinë dhe vendosin të blejnë pronë këtu. Ata përbëjnë 10 për qind të numrit të përgjithshëm të klientëve që kanë blerë pasuri të patundshme te ne.