Nuk ka mjekë bullgarë të lënduar në sulmin terrorist në Mali këtë të premten, informuan nga Ministria e Mbrojtjes. Sulmi është kryer larg bazës ushtarake, ku janë dislokuar mjekët bullgarë. Nuk ka të dhëna për kërcënime të drejtpërdrejta për bazën e tyre.

Ndërkohë gjatë një sulmi tjetër terrorist në një xhami në pjesën veriore të Gadishullit të Sinajit të Egjiptit vdiqën 200 veta, kurse të lënduarit janë të paktën 120. Sipas informacioneve të autoriteteve në vend sulmuesit kanë aktivuar një mjet shpërthimi dhe pastaj kanë hapur zjarr kundër njerëzit e mbledhur në xhami për lutjen e së premtes.

Tani për tani asnjë organizatë terroriste nuk e ka marrë përgjegjësinë për këtë sulm. Në shtet janë shpallur tri ditë zie në nderim  të  viktimave.

Ministria bullgare e Punëve të Jashtme dënoi ashpër sulmin terrorist dhe shprehi ngushëllime të sinqerta për të afërmit e viktimave dhe për njerëzit e prekur.