Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarje me adresë ballkanike

Tribunali i Hagës konfirmoi krimin kolektiv në krye me presidentin Franjo Tuxhman

Foto: BTA

Tribnali ndërkombëtar për Ish-Jugosllavinë pohoi dënimet për pjesëmarrjen e udhëheqësve të dikurshëm të Kroacisë, në krye me presidentin Franjo Tuxhman, në krimin kolektiv kundër muslimanëve të Bosnjës. Kështu ai refuzoi apelimet e parashtruara nga të dënuarit. Gjashtë të akuzuarit në instancën e parë morën dënime përgjithësisht për 111 vjet burgim për persekutime, vrasje, përdhunime, depërtime, burgosje, asgjësim të pronësisë private dhe për krime të tjera kundër myslimanëve të Bosnjës në kohën e luftës 1992-1995. Pasi dëgjoi vendimin e Tribunalit, gjenerali Slobodan Praljak – ish komandant i forcave kroate të Bosnjës, piu helm në sallën e gjykatës, duke deklaruar se nuk është kriminel, dhe më vonë vdiq në një spital në Hagë.


Ambasadori i ri i SHBA-së Hoyt Brian Yee: Maqedonia po lëvizet në drejtimin e duhur

Foto: mk.usembassy.gov

Zëvendës ndihmësi i deritanishëm i Sekretarit të Shtetit të ShBA-së Hoyt Brian Yee do të jetë ambasadori i ri në Maqedoni. Gjatë viteve të fundit Hoyt Brian Yee kishte një rol kyçe për zgjidhjen e krizave politike në Shqipëri, Maqedoni, Malin e Zi. Emërimi i tij vlerësohet si një pohim për angazhimin në rritje të Uashingtonit me Ballkanin për shkak, para së gjithësh, të përpjekjeve të Moskës që të imponojë ndikimin e saj në regjion. Maqedonia po zhvillohet në drejtimin e duhur, qeveria duhet të vazhdojë programin e saj të reformave dhe të përdorë përkrahjen dhe qëndrimin pozitiv të miqve të saj evropianë dhe atlantikë, është i mendimit Hoyt Brian Yee.


Serbia fillon ndërtimin e linjës hekurudhore deri në Budapest me financim nga Kina

Foto: voanews.com

Serbia filloi ndërtimin e një linje hekurudhore të financuar nga Kina me qëllim përmirësimin e infrastrukturës së vendit. Pritet se kështu do të përforcohet ndikimi i Kinës në Evropë. Gjatë majit të këtij viti Serbia mori një kredi prej 297,6 mln. dollarë nga banka kineze Exim Bank për modernizimin e aksit hekurudhor  mes Beogradit dhe kryeqytetit hungarez Budapest. Serbia, e cila është kandidate për anëtarësi në BE, dhe Hungaria, që është anëtare e Bashkimit, janë pjesë e nismës së Pekinit “Një brez, një rrugë”, e cila qëllon hapjen e lidhjeve të reja të tregtisë së jashtme për firmat kineze.  Linja hekurudhore e shpejtësisë së lartë mes Beogradit dhe Budapestit pritet se do të kushtojë 3,2 mlrd. euro dhe do të bëhet rruga kryesore e transportimit të mallrave kineze, të cilat do të mbërrijnë në portin grek Pirea, dhe do të duhet të transportohen në pjesa të ndryshme të Evropës.


Përfundoi restaurimi i kishës së hekurt bullgare në Stamboll

Foto: en.wikipedia.org

Po përfundojnë punimet e restaurimit të kishës bullgare “Shën Stefan”, të njohur si “Kisha e Hekurt”. Inaugurimi solemn do të zhvillohet më 7 janar 2018 në praninë e Kryeministrit bullgar Bojko Borisov dhe Presidentit të Turqisë Rexhep Tajip Erdogan. Fotografitë e bëra nga ajri tregojnë kupolën e lyer në ar me lartësi 40 metra, e cila shihet nga larg. Kisha “Shën Stefan” është ndërtuar në vitin 1898 dhe është monumenti më i vlefshëm i trashëgimisë kulturore dhe historike bullgare në Turqi dhe në përgjithësi jashtë shtetit. Para dhjetë vjetësh gjendja e saj ishte tepër shqetësuese për shkak të korrozionit të konstruksionit të hekurt. Në vitin 2011 në kuadrin e një projekti të Bashkësisë së Stambollit filloi restaurimi i Kishës së Hekurt në përputhje me një marrëveshje ndërqeveritare mes Bullgarisë dhe Turqisë për mbrojtjen e ndërsjellë të monumenteve të kulturës në të dyja shtetet.

Përpiloi: Miglena Ivanova
Përgatiti në shqip: Jordanka Ivanova

Më shumë nga rubrika

Nënë Kadire nga Gora

Te nashencit në Gorën e Kukësit (VIDEO)

Midis maleve të Sharrit, Korabit dhe Koritnikut ndodhet rajoni historiko-gjeografik i Gorës, popullsia e të cilit e quan veten "torbeshë", "bullgarë", "nashenci"... Sot kufiri verilindor i Shqipërisë e ndan Gorën në dy pjesë - në lindje, në të..

botuar më 24-03-29 1.10.MD

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD