“Misteri i zërave bullgarë” me album të ri

Снимка

Pas koncerteve në vend dhe në disa shtete evropiane në fillim të vitit 2018, “Misteri i zërave bullgarë” ka në plan të nxjerrë një album të ri. Kori i njohur u themelua para 65 vitesh me ide të kryeredaktorit të ekipit “Muzikë Popullore” të Radios Kombëtare Bullgare Georgi Bojaxhiev. Në vitin 1975 në treg doli disku i parë me incizime të korit, producent i të cilit ishte Marsell Selie. Albumi “Misteri i zërave bullgarë” e vuri fillimin e një serie të suksesshme me po këtë titull. Ndoshta për këtë arsye në vitin 1997 kori popullor i grave u emërua po ashtu. Sipas producentes ekzekutive të albumit të ri Boyana Bounkova në albumin e ri do të kemi mundësi të dëgjojmë një stil të ri të interpretimit.

Boyana Bounkova mësoi drejtësi në Universitetin e Sofjes “Shën Klimenti i Ohrid”. Pas kësaj vazhdoi arsimin edhe në Britaninë e madhe dhe në SHBA-në. Specializoi drejtësi prej autori. Pothuajse dhjetë vjet banon në Kaliforni, ku punon si avokate. Paralelisht themeloi dhe udhëheq zyrën bullgare e një kompanie të pavarur të producentëve. Që kur ishte fëmijë në qytetin e lindjes Kërxhali mësonte violinë dhe bënte pjesë në një orkestër fëmijësh me tela. Si të gjithë, ashtu edhe ajo është e mahnitur nga interpretimet e korit “Misteri i zërave bullgarë”. Dhe pasi shumë miq të saj e pyesnin pse nuk mund të gjejnë incizime të tyre, te ajo lindi ideja për incizimin e një albumi të ri.

Lisa Xherard
Soliste në të do të jetë këngëtarja australiane Lisa Xherard – kompozitore e muzikës së filmave. Ajo u bë mbajtje e çmimit “Globi i Artë” për muzikën e filmit “Gladiator”. Në albumin e korit të famëshëm popullor bullgar merr pjesë edhe bullgari SkilleR – kampion botëror i stilit “bijtboks”, dhe perkusionisti gjerman David Kuckhermann, i cili prej vitesh punon me Lisa Xherard.

Petër Dundakovi është një kompozitor i ri me përvojë në muzikën klasike korale dhe të orkestrave. Para kohe kompozonte edhe në fushën e muzikës pop. Prandaj i drejtova atij lutje të krijojë vepra për korin e famshëm, me qëllim që muzika e korit të qëndrojë më afër brezit të ri – rrëfen Boyana Bounkova. – Në ShBA-në ka njerëz të cilët janë me mbresa të mrekullueshme nga “Misteri i zërave bullgarë”. Para kohe desha të dërgoj në Bullgari një pako. Vajza që punonte në zyrë, kur dëgjoi se jam nga Bullgaria më tha se është e pasionuar pas këngëve të korit “Misteri i zërave bullgarë”. Prandaj mendoj se ka një potencial i madh për zgjerimin e auditorit jo vetëm në ShBA-në, por edhe në vendet e Evropës. Pikërisht këtë qëllim përpiqemi të arrijmë me projektin e ri. Përveç soliste Lisa Xherard është edhe bashkautore e disa këngëve. Ftuam edhe kompozitorin irlandez Jules Maxwell. Disa prej veprave janë prej autori, të tjera u janë të bazuar kryeveprave folklorike. Kori këndon në shoqërim të veglave të ndryshme, gjë që është novitet dhe ndryshon tingëllimin e zakonshëm. Prezantuam repertorin e ri në dy koncerte të mëdha në qytetet Sofje dhe Plovdiv, pas kësaj në Belgjikë, Holandë dhe Itali. Vitin e ardhshëm pasi albumi do të dalë në tregun muzikor planifikojmë të bëjmë një turne në Evropë.

Këngët shoqërohen nga ekzekutuesit e njohur – Petër Millanov (kitarë), Hristina Beleva (gadullka), Kostandin Gençev (fyell), Dimitër Karamfillov (kontrabas). Producent muzikor i projektit është kompozitori Petër Dundakov. Në fillim të dhjetorit do të përhapet edhe kënga e parë “Pora Sotunda” si dhe një video pranë saj. Është e vështirë të thuhet, se çfarë do të thotë kjo, sepse ky fjalëformim është i krijuar nga Lisa Xherard në gjuhën e menduar prej saj. Si do të tingëllojë tërë albumi do të dëgjojmë muajin mars të vitit të ardhshëm, kur ai do të jetë në tregun muzikor.

Përgatiti në shqip: Svetllana Dimitrova

Fotografi: Neli Kurteva

Më shumë nga rubrika

Këngë të vjetra, zëra të rinj dhe emra të njohur në Bg Vintage

Këngë bullgare që nga shekulli i kaluar në interpretim të këngëtarëve dhe instrumentistëve të rinj... Thënë me disa fjalë – ky është projekti i ri BG Vintage, kurse koncerti i parë është më 23 maj, në City Mark Art Center në kryeqytet. Këngëtarët e rinj..

botuar më 18-05-23 11.15.PD

“Homage to Ella Fitzgerald” – një projekt i ri i këngëtares Hillda Kazasjan

Në vitin 2017 mbarë shoqëria botërore muzikore shënoi tre përvjetorë – 100 vjet nga lindja e këngëtares Ella Ficxherralld, е trumbetarit Dizli Gilespi dhe е pianistit Telloniës Monk. Kjo u bë shkak që shumë muzikantë në shenje respekti të..

botuar më 18-05-22 1.05.MD

U nda nga jeta Hristina Angellakova

Hristina Angellakova lë një gjurmë të ndritshme pas vetes. Ajo ishte një njeri energjik, aktiv, kureshtar dhe bujar. Ishte një artiste me përvojë të pasur, gjithnjë e hapur për teoritë e reja dhe të panjohura në art. Këngëtarja e madhe operistike..

botuar më 18-05-21 3.18.MD