Tenisti më i mirë bullgar Grigor Dimitrov mbeti në vendin e tretë në ranglistën botërore edhe këtë javë me aktivë 5150 pika. Dimitrov arriti kulmin në karrierën e vet, pasi muajin e kaluar triumfoi në turneun final këtë stinë të ATP-së në Londër. Bullgari do ta përfundojë vitin si Nr. 3 në botë. Para tij janë vetëm Rafael Nadal nga Spanja me 10645 pika dhe Roger Federer nga Zvicra me 9605 pika. Ndërkaq, u bë e qartë se tenisti ynë tashmë nuk është përfaqësuar nga Agjencia e Menaxherëve e Roger Federerit. Kontrata e Grigor Dimitrovit, i cili më 1 janar 2014 u bashkua me kompaninë me seli në Kilvland të shtetit Ohajo, skadon në fund të këtij viti dhe nuk do të rinovohet. Pas skadimit të kontratës për interesat e Grigorit do të kujdeset menaxheri i tij Georgi Stoimenov, me të cilin tenisti bullgar punon që nga fillimi i karrierës së vet profesionale.