Dhuratat e Presidencës Bullgare të Këshillit të BE-së

Pjesë prej pakos me dhuratat
Foto: Elena Karkallanova

Afro 25 mijë priten të jenë delegatët dhe miqtë të cilët do të vizitojnë Bullgarinë për aktivitetet e ndryshme të parashikuara në kalendarin e Presidencës Bullgare të Këshillit të BE-së – 2018. Për çdo mysafirë parashikohet nga një pako speciale si gjest i vëmendjes nga ana e organizatorëve.

Në fakt dhuratat e këtij lloji janë një traditë, e cila ekziston që kur ka filluar Presidenca e Këshillit të BE-së dhe realizohet nga të gjitha shtetet që kryesojnë këshillin, pa përjashtim. Dhuratat në kuadrin e Presidencës është një mënyrë të reklamohet shteti, i cili kryeson Këshillin e BE-së në vazhdim të gjashtë muajve. Sipas traditës theksi kryesor në dhuratat janë shalli dhe kravata. Liljana Pavllova, ministre e presidencës evropiane, prezantoi zyrtarisht pakot me dhuratat, të cilat janë dy lloje:

Liljana Pavllova prezanton dhuratat. Në qafën e saj shihet një nga shallet luksoze prej mëndafshi parashikuara për gratë.

Dhuratat e para janë më luksoze për udhëheqësit e delegacioneve – kryeministra, ministra, zëvendës ministra. Pakoja e dytë përbën një dhuratë sipas protokollit për të gjithë delegatë të tjerë, të cilët do të frekuentojnë seancat, jo vetëm në Bullgari, por edhe në institucionet evropiane.”

Ministria e Presidencës Bullgare siguroi 16 mijë shalle standarde dhe 900 luksoze, 20 mijë kravatë standarde dhe 1100 – luksoze. Të gjithë ata janë me motive të qëndismat bullgare, si dhe logoja e stilizuar e Presidencës. Autor i logos është piktori Todor Angelliev. Në të ai gërsheton tri nga simbolet më të rëndësishme bullgare – alfabeti cirilik, flamuri bullgar dhe qëndismat. Duke iu mbështetur logos, dizajnerja Gergana Stankova bëri vizionin e shalleve për mysafirët të Presidencës së parë bullgare të rotacionit.

Pjesa e dytë e dhuratës përfshin monedha me emision 2018, të cilat do të vihen në qarkullim nga Banka Popullore Bullgare në fillim të janarit, shpjegoi ministrja Pavllova. Monedhat gjithashtu janë dy lloje – një emision special nga dy vela me logon e Presidencës Bullgare. Për personat VIP do të ketë një emision special monedhash prej argjendi të lyera me flori gjithashtu me logon e Presidencës.”

Pakoja bullgare ka edhe një pullë e re postare me zarf të Presidencës me seri të limituar, implementuar nga ministri i transportit.

Bullgaria njihet si një shtet i trëndafilave, ndërsa vaji bullgar i trëndafilëve është nga më të respektuarit në industrinë botërore të parfumerisë. Kështu që është një gjë e natyrshme që vaji i trëndafilit të jetë pjesë e kujtimit me të cilin miqtë do të nisen nga vendi. Delegatët do të marrin nga një kapsulë speciale të mbushur me vajin aromatik bullgar prej trëndafili. Pasi vitet e fundit Bullgaria u afirmua edhe si eksportuesja më e madhe e livandës në Evropë, prodhuesit e kësaj kulture vajdhënëse i siguruan Ministrisë së Presidencës Bullgare një pako speciale me livandë të mermë si dhuratë për miqtë.

Снимка

Natyrisht përfshihen edhe dosje, stilolapsa, lapsa, defterë.

Duke menduar dhuratat deshëm, që ato të kenë një vlerë afatgjatë. Prandaj zgjodhëm pullat postare dhe monedhat, të cilat kanë rëndësi koleksionuese dhe numizmatike dhe mbeten si një dhuratë përgjithmonë. Doemos shallet dhe kravatat janë një traditë – çdo presidencë bënë shalle dhe kravata. Por ne u ofrojnë në tri ngjyra – në ngjyrën e kryesisë – blu, dhe në të kaltrën dhe në bojë rose, kështu që të ketë një larmi më të madhe.

Përgatiti në shqip: Svetllana Dimitrova

Fotografi: Elena Karkallanova dhe eu2018bg.bg

Më shumë nga rubrika

Një forum në Sofje i thotë “JO” gjuhës së urrejtjes dhe ekstremizmit

Pas debatit të madh rreth Konventës së Stambollit (e cila ka të bëjë me mbrojtjen nga dhuna në shtëpi), që e polarizoi shoqërinë tonë në dy anë ekstreme – “pro” dhe “kundër”, tani opinioni publik është përqendruar te një problem tjetër i..

botuar më 18-02-19 3.50.MD

Ngjarje me adresë ballkanike

Patriarku Neofit: Kisha Ortodokse Bullgare do të kryejë angazhimin e vet ndaj asaj maqedonase Në një deklaratë përpara agjencisë BGNES patriarku Neofit përshëndet vizitën e presidentit Rumen Radev në Maqedoni si një..

botuar më 18-02-19 2.36.MD

Fëmijë bullgarë do të përgatiten për astronautë në Qëndrën Kozmike Space Camp në Izmir

Para kohe shkencëtari Stivën Hoking (Stephen Hawking) paralajmëroi, se vetëm pas 200 vitesh njerëzimi do të jetë i detyruar të kërkojë një shtëpi të re dhe njerëzit padashje do të bëhen astronautë, ndërsa fantazitë për fluturim në Kozmos nuk do..

botuar më 18-02-19 1.11.MD