Shumë nga punëdhënësit në Bullgari parashikojnë një shtim të rrogave gjatë vitit 2018, njoftoi në kanalin televiziv “Nova TV” kryetari i Dhomës tregtaro-industriale bullgare Cvetan Simeonov. Sipas fjalëve të tij, këtë do ta bëjnë rreth 51% të punëdhënësve, derisa 17% kanë deklaruar se nuk kanë mundësi për një rritje të tillë. 28% të tjerë janë duke u lëkundur, tregon një studim i Dhomës tregtaro-industriale. 2% nga firmat mendojnë të pakësojnë rrogat e nëpunësve të vet. Në pjesën më të madhe të rasteve pritet se rritja e rrogave të jetë me 10% ( këtë e pohojnë 79% nga punëdhënësit), derisa vetëm 1% planifikojnë t'i ngrenë rrogat më shumë se 20%. Një rritje më serioze e rrogave mot pritet në sektorin e teknologive të larta, në industri, në telekomunikim, në pronat e patundshme dhe në tregti.