Studiuesit bullgarë realizojnë ekspeditën e radhës në Kontinentin e Akullt. Pas një udhëtimi të gjatë plotë rreziqe për shkak të akullnajave, më 1 dhjetor grupi i parë mbërriti në bazën “Shën Klimenti i Ohrid” në ishullin Livingstën.
“Detyra e tij është që të përgatitë bazën për jetën e re aty”, tha profesori Hristo Pimpirev – kryetar i Institutit Antarktik Bullgar. Ai nis me grupin e dytë shkencëtarësh më 13 dhjetor për të realizuar Ekspeditën e 26-të Antarktike Bullgare.
Edhe gjatë këtij sezoni ka disa sfida para studiuesve bullgarë. Ata duhet të ndërtojnë një garazh për makinën e kalueshme kudo “Manitu”, me të cilën studiuesit bullgarë disponojnë që nga viti i kaluar. Mbi çatitë e të gjitha godinave do të vihen panele diellore, kështu që të zvogëlohet shfrytëzimi i karburanteve për ngrohje.
Ekspedita bullgare duhet të përfundojë edhe një projekt të përbashkët me Mongolinë. Së bashku do të vënë një Monument të Alfabetit Cirilik në Antarktidë. Në të ka një ampulë me dhe nga trojet bullgare. Mbi monument janë të rikrijuara pamjet e krijuesve të alfabetit sllav Shenjtorët Kirill dhe Metodij. Më shumë hollësi për projektin sjell profesori Pimpirev:
“Pjesët e monumentit udhëtojnë për në Kontinentin e Akullt në bordin e një anijeje spanjolle. Presim që në mesin e shkurtit ata të vijnë në bazën bullgare. Pas kësaj do të montojmë kështu që të ushtrojmë një ndikim më të vogël mbi ambientin rrethues. Kjo do të jetë një punë shumë precize. Vetëm me tre bulona do të mbërthehet me shkëmbin, në të cilin nuk duhet të ketë bimësi, myshqe, likene sepse ato nuk duhet të dëmtohen. Çdo gjë që vihet dhe ndërtohet në Antarktidë duhet t’u përgjigjet kërkesave të rrepta ekologjike.”
Studiuesit bullgarë i mbeten besnik Antarktidës edhe kur kthehen duke ia kushtuar libra. Deri tashti dolën nga shtypi nja 15 vepra në të cilat janë të botuara rezultatet e studimeve dhe përshtypjet e shkencëtarëve tanë. Që pas ekspeditës së parë në vitin 1993 profesori Hristo Pimpirev dhe docenti Borisllav Kamenov, botuan librin “Takimi me Antarktidën”. Të dy ata janë gjeologët e parë bullgarë, të cilët zhvilluan studime shkencore në këtë shkretëtirë të akullt. Pas qëndrimit njëmujor në bazën e ishullit Livingstën Izabell Shopova shkroi librin “Në jug nga arsyeja”.
Në fillim të nëntorit ishte premiera e almanakut “Toka e panjohur Jugore – Terra Australis Incognita” me përpiluese Gergana Lapteva dhe konsultues, profesor Hristo Pimpirev dhe doktor Ljubomir Ivanov. Në të janë të përmbledhura shumica e hartave të njohura deri tashti gjeografike, në të cilat rikrijohet Antarktida që nga lashtësia përmes shekujve e deri në ditët tona.
Në fillim të dhjetorit në aulën e Universitetit të Sofjes “Shën Klimenti i Ohrid” u prezantua libri i radhës i profesorit Pimpirev – “Antarktida – Jugu i ftohtë”. Për të autori rrëfen:
“Ky është një botim luksoz në gjuhën bullgare dhe në të angleze dhe ia kushtohet përvjetorit të 25-të të pranisë bullgare në Kontinentin e Akullt. Në të u mblodhën fotografitë më të mira të bëra prej neve. Përshkruhet bota bimore dhe kafshore, natyra e Antarktidës. Bëhet analizë të të gjitha 25 ekspeditave. Ky është libri më i ri për Antarktidën, i cili do t’u japë mundësi lexuesve të zbulojnë se çfarë ka arritur Bullgaria për një çerek shekull në Kontinentin e Akullt.”
Përgatiti në shqip: Svetllana Dimitrova
Fotografi: arkiv
61 për qind e prindërve në Bullgari mbështesin vaksinat e detyrueshme dhe 95 për qind e mjekëve të përgjithshëm këshillojnë prindërit që të vaksinojnë fëmijët e tyre për t'i mbrojtur ata nga një sërë sëmundjesh. Këtë e tregon një anketim përfaqësues..
Përfshirja e të drejtës së abortit në Kartën e të Drejtave Themelore të BE-së – këtë e mbështeti shumica në Parlamentin Evropian dhe tregoi një përgjigje vendimtare ndaj sulmeve në rritje ndaj grave dhe të drejtave të tyre nga e djathta ekstreme..
Para shpërthimit të Luftës Ballkanike 1912-1913, bullgarët në rajonin e Trakisë së Edrenesë numëronin 410 724 persona, sipas të dhënave të Ministrisë së Punëve të Jashtme të atëhershme të Bullgarisë. Me marrjen e kalasë së Edrenesë më 26 mars 1913,..
Para shpërthimit të Luftës Ballkanike 1912-1913, bullgarët në rajonin e Trakisë së Edrenesë numëronin 410 724 persona, sipas të dhënave të Ministrisë së..
Më 24 prill, Instituti i Fizikës së Trupit të Ngurtë pranë Akademisë Bullgare të Shkencave shënon solemnisht 50 vjet nga shpikja e laserit të avullit të..
Druri bullgar, jo i importuar, është lënda e parë kryesore për industrinë e përpunimit të drurit dhe mobilieve në vendin tonë. Këtë e theksoi..