Bullgaria do të financojë 55 projekte me vlerë rreth 1.8 mln euro në vendet e Ballkanit Perëndimor dhe të Partneritetit Lindor, vendosi qeveria. Me ndihmën e livruar do të financohen disa projekte në Serbi për organizatat joqeveritare, Avokatin e Popullit, institucionet arsimore dhe biznesin e vogël, në Bosnjë e Hercegovinë do të financohen remontet e kopshteve të fëmijëve dhe të shesheve për fëmijë, në Maqedoni mjetet do të përdoren në fushën e shëndetësisë dhe për fëmijët me nevoja të posaçme, kurse në Shqipëri – për institucionin e Avokatit të Popullit. Në Gjeorgji do të financohet ndërtimi i një qendre arsimore shumëkulturore. Në Moldavi do të meremetohen shkolla dhe një kopsht fëmijësh, ndërsa në Ukrainë do të blihet pajisje për kabinetet e posaçme për arsim interaktiv gjuhësor. Në Armeni do të krijohet një kabinet arsimor me teknologji moderne kompjuterike dhe informative. Mjetet sigurohen në kuadrin e ndihmës zyrtare për zhvillim, e cila livrohet nga çdo një vend anëtar i BE-së në përputhje me Marrëveshjen për funksionimin e BE-së.