Në Qendrën Transkufitare për Prodhimin e Verës dhe Vreshtari “Tarracat e Danubit”në rajonin e kantinës për prodhimin e verës “Ostrovit” në Rumani, fill afër kufirit me Bullgarinë, u zhvillua një seminar ndërkombëtar me pjesëmarrjen e prodhuesve të verës nga të dyja vendet. Në këtë qendër transkufitare, të krijuar me mjete evropiane, në kuadrin e një projekti të përbashkët bullgaro-rumun, janë përfshirë disa qarqe rumune dhe zonat e qyteteve tona Silistra, Razgrad dhe Ruse.

Në të ka një laborator për studimin e verës dhe të rrushit, i cili mund të përdoret nga prodhuesit e mëdhenj dhe të vegjël nga rajoni. Aty gjendet dhe ekspozita e vetme bullgaro-rumune e verërave, të prodhuara në kantina të ndryshme të prodhimit të verës në të dyja vendet. Në seminar përsëri i qe kushtuar vëmendje idesë për ringjalljen dhe zhvillimin e varieteve të vjetra vendase, karakteristike për regjion. Pjesëmarrësve u prezantua një varietet i lashtë nga koha e trakëve, i cili në Rumani është ruajtur dhe i modernizuar, që të mund të zhvillohet dhe në rajonet e qytetit bullgar Silistra.