Gjatë disa viteve të fundit shitjet e pemëve artificiale të Vitit të Ri në Bullgari u rritën konsiderueshëm. Gjithsej 240 mijë pemë të tilla shiten në vit te ne. Mirëpo, ato prodhohen vetëm nga një firmë e vogël familjare në qytetin Rakovski. Ajo zë rreth 60 për qind në treg. Kurse sasitë e tjera që shiten në vend janë import nga Kina, Holanda dhe Belgjika.

Punimi i një peme të Vitit të Ri vazhdon deri në 40 minuta. Çmimet janë nga 8 deri në 350 leva në varësi të modelit dhe lartësisë së Pemës (nga 80 deri në 420 cm.) Kompania eksporton rreth 70 për qind prej prodhimit të vet përtej kufirit dhe ka përfaqësues të vet në dyqanet në Bukuresht, Budapest, Zagreb, Beograd dhe Lubjanë. Që nga ky vit do të startojë prodhimi i topave të blinduar të Vitit të Ri dhe i dekoratës fosforeshente. Kështu firma familjare do ta mbyllë ciklin – që nga Pema e Vitit të Ri e gjer te dekorimi.