Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarje me adresë ballkanike

Kryeministri Zaev: negociatat për emrin e Maqedonisë po zhvillohen me sukses

Foto: BGNES

Në një intervistë për mkd.mk kryeministri Zoran Zaev informoi se faza e re e negociatave për emrin e Maqedonisë tani për tani realizohet me sukses. “Ndërmjetësuesi Matju Nimic (Matthew Nimitz) uli në një tryezë me palët negociuese dhe sipas tij të dyja vendet janë gati të hyjnë në fazën e zgjidhjes së çështjes”. Akoma nuk ka ardhur koha për bisedime për propozimet konkrete rreth emrit të shtetit, mirëpo sipas Kryeministrit Zaev takimet e shpeshta do të jenë në dobi të zgjidhjes së shpejtë të problemit. Zaevi është kategorik se për çështjen e emrit të vendit të tij duhet zhvilluar një referendum.


Ciprasi është optimist për çështjen e emrit të Maqedonisë

Foto: BGNES

Për gazetën „Nea Selida” Kryeministri grek Aleksis Cipras shpalli se është optimist për çështjen e kontestimit të emrit të Maqedonisë . Në një intervistë për këtë medie ai shprehi bindjen e tij se ka ardhur koha e përshtatshme për marrjen e vendimeve të domosdoshme. Njëkohësisht Kryeministri i bëri thirrje opozitës të kuptojë se çështja e emrit të fqinjës veriore të Greqisë nuk duhet të jetë arsye për intriga të brendshme partiake dhe po të ketë një perspektivë për zgjidhjen e problemit, duhet të krijohen premisa për konsensus të gjerë parlamentar.

 

Ministri i jashtëm i Serbisë nuk pret përparim mbi çështjen e Kosovës gjatë 2018-ës

Foto: BGNES

Viti 2018 nuk do të jetë vendimtare për zgjidhjen e problemit me Kosovën, pohon gazeta e Beogradit “Danas”, duke cituar deklaratat e Ministrin serb të punëve të jashtme Ivica Daçiç. Ministri ka nënvizuar se negociatat do të jenë të vështira. Sipas tij një zgjidhje pa marrëveshje nuk është e mundshme, mirëpo akoma nuk është e qartë se çfarë do të thotë “marrëveshje ligjore detyruese” për normalizimin e marrëdhënieve mes Beogradit dhe Prishtinës, as nuk janë filluar bisedime për këtë.


Aeroporti i Beogradit është marrë me koncesion nga një kompani franceze

Foto: wikipedia.bg

Grupi frances i ndërtimit Vinci Airports mori me koncesion për 25 vjet aeroportin e Beogradit dhe për këtë kontratë ai paguan 1,5 miliarda euro, informoi Kryeministrja e Serbisë Ana Bërnabiç. Vinci Airports, i cili ka filluar veprimtarinë e vet me një koncesion në Kamboxhia në vitin 1995, tani ka 35 aeroporte, të cilat shërbejnë 130 miliona udhëtarë çdo vit. Aeroporti i Beogradit është më i madhi në Ballkan dhe Serbia qëllon që ai të bëhet qendra rajonale me kompaninë kombëtare “Air Serbia” në partneritet me Etihad Airways.


„Sheraton“ largohet nga Shqipëria

Foto: sheratontiranahotel.com

Shoqata Shqiptare e Turoperatorëve dhe Agjencive Turistike (ATOA) informoi se më 1 janar 2018 rrjeti i njohur i hotelerisë Sheraton largohet nga vendi. Shoqata e vlerëson këtë si ngjarja më negative për turizmin shqiptar për 20 vitet e fundit. Nga ana e “Sheraton”-it akoma nuk ka shpjegim zyrtar për arsyet konkretet të largimit, mirëpo nga ATOA komentojnë se vendimi është lidhur me politikën e gabuar në fushën e turizmit. Hoteli “Sheraton” në Tiranë punon në Tiranë që nga viti 2003 dhe atëherë ai u bë hoteli i parë me pesë yje në territorin e Shqipërisë. Me largimin e këtij zinxhiri hotelerik vendi humb një brand, i cili është garanci për cilësi të lartë dhe vetë tërheq turistë të klasës së lartë.

Përpiloi: Stoimen Pavllov
Përgatiti në shqip: Jordanka Ivanova

Më shumë nga rubrika

Nënë Kadire nga Gora

Te nashencit në Gorën e Kukësit (VIDEO)

Midis maleve të Sharrit, Korabit dhe Koritnikut ndodhet rajoni historiko-gjeografik i Gorës, popullsia e të cilit e quan veten "torbeshë", "bullgarë", "nashenci"... Sot kufiri verilindor i Shqipërisë e ndan Gorën në dy pjesë - në lindje, në të..

botuar më 24-03-29 1.10.MD

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD