Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Bullgaria u përul para kujtimit të Botevit

БНР Новини

Bullgaria shënoi solemnisht përvjetorin e 170-të të lindjes së Hristo Botevit (06 janar 1848) – poet gjenial dhe një prej heronjve më të dashur kombëtar.

Ai vdiq në vitin 1876 në Kryengritjen e Prillit kundër robërisë osmane. Në kulmin e kryengritjes poeti organizoi një çetë prej 200 vetash, e cila me anijen “Radecki” akustoi në bregun bullgar të lumit Danub, që t’i përkrahë bullgarët e rebeluar. Tri ditë më vonë Çeta e Botevit u shpartallua nga repartet e bashibozukëve, kurse Hristo Botev u vra afër majës Okollçica në malin stara Pllanina. Heroizmi i tij kishte një jehonë të madhe në tërë Evropën, ku lindi një valë e madhe solidariteti me popullin bullgar, i cili luftonte për lirinë e vet. Vdekja heroike e përjetësoi jetën e shkurtër të Botevit, kushtuar shpirtit bullgar dhe kauzës kombëtare.

Festimet me rastin e përvjetorit të 170-të të lindjes së Botevit filluan në qytetin e tij të lindjes – Kallofer, me një sërë aktivitetesh, ndër të cilat janë një miting-përulje në kompleksin e memorialit “Hristo Botev” dhe ulje e “Kurorës së Famës” para monumentit të heroit tonë kombëtar. Përvjetori i poetit- revolucionar u shënua solemnisht në tërë vendin. Muzeu Historik Regjional, Bashkia e Kryeqytetit dhe shoqata “Vepra e Popullit” në Sofje nderuan kujtimin e poetit në godinën-muze. Atje u validua një pullë postare kushtuar bullgarit të madh. Formimi i pullës postare është vepër e piktorit Stojan Deçev në bazë të pikturës së njohur të Aleksandër Poplillovit.

Снимка

 “Levski është toka e Bullgarisë, kurse Botevi është qielli i saj”, tha Stojan Deçev, duke cituar një prej gjenive të artit dhe fjalimit artistik – Ilia Beshkov.

Снимка

U paraqit gjithashtu një kryevepër e artit që nga mesi i shekullit XX – monumenti i Botevit të madh, vepër e skulptorit të njohur bullgar Jordan Krëçmarov. U hap një ekspozitë unikale nga koleksioni i inxhinierit Georgi Mëndev , kushtuar jetës dhe veprimtarisë së poetit.

Снимка

Me këtë rast Kryetarja e Bashkisë së Sofjes Jordanka Fandëkova tha:

СнимкаI jam mirënjohëse Ministrisë së Transportit, Teknologjive Informative dhe Komunikacioneve, si dhe Postave Bullgare dhe Shoqatës “Vepra Popullore” për pjesëmarrjen e tyre në iniciativat tona kushtuar këtij aktiviteti të rëndësishëm. I përshëndes organizatorët, sepse ne jemi të detyruar ta ruajmë kujtimin e Botevit dhe trashëgiminë e tij. E quajmë Botevin poet gjenial dhe revolucionar të madh. Veprat e tij pasqyrojnë jetën dhe luftën e tij për lirinë e Bullgarisë. Kjo është zgjedhja e njeriut me shpirt të lirë, i cili shkroi: “E vërteta është e shenjtë, liria është e dashur”. Ai do të mbetet gjithmonë i gjallë, një prej heronjve tanë kombëtarë, para të cilëve përulemi edhe sot e kësaj dite.” 

Me rastin e Presidencës Bullgare të Këshillit të BE-së Ministri i Transportit, Teknologjive Informative dhe Komunikacioneve Ivajllo Moskovski shënoi: “Shumë bullgarë të denjë e kanë vendin e vet jo vetëm në historinë dhe në shoqërinë tonë. Duhet të dihet se ka një sërë personalitetesh në Bullgari, të quajtur nga historia heronj kombëtarë, të cilët kanë kontribuuar për lirinë dhe idealet jo vetëm të vendit tonë, por të tërë Evropës.” 

Përgatiti në shqip: Vesella Mançeva

Autori: BTA dhe sofiahistorymuseum.bg



Последвайте ни и в Google News Showcase, за да научите най-важното от деня!

Më shumë nga rubrika

Në Bullgari, 26 marsi është Dita e Trakisë

26 Marsi është Dita e Trakisë – kështu data është e regjistruar në kalendarin zyrtar bullgar në vitin 2006, por festohej disa dekada më parë. Në këtë datë të vitit 1913, ushtria bullgare pushtoi Kështjellën e Edrenesë të konsideruar në atë kohë "të..

botuar më 24-03-26 3.13.MD

"Refugjatët" - një histori për të dëbuarit dhe të shpëtuarit në Bullgari

Ikja nga vendlindja dhe toka amtare dhe udhëtimi i gjatë përmes të huajës dhe të panjohurës - fati i të gjithë refugjatëve është i ngjashëm ndër vite, dhe arsyet janë gjithmonë të njëjta. Njerëzit dëbohen për shkak të luftës ose besimeve fetare, për shkak..

botuar më 24-03-21 7.15.PD

Ne hyjmë në Kreshmë pa një bari shpirtëror

“Dhe na i fal borxhet tona, sikurse edhe ne i falim borxhlinjtë tanë...” Çdo i krishterë kujton kuptimin e kësaj fraze nga Lutja e Zotit, sepse mësimi i Krishtit për dashurinë dhe faljen është krijuar rreth saj. Ai e di se ai që nuk është..

botuar më 24-03-17 10.05.PD