Traditat dhe modernizmi gërshetohen në spotet reklamuese për Presidencën Bullgare

Autor:

Në prag të inaugurimit zyrtar të Presidencës Bullgare të Këshillit të Bashkimit Evropian, në Pallatin Kombëtar të Kulturës treguan spote reklamuese, me të cilat vendi ynë do të prezantohet përpara vendeve të tjera anëtare. Ato do të jenë tre dhe do të transmetohen përpara çdo një takimi formal ose joformal, si në Sofje, ashtu dhe në Bruksel dhe Strasburg. Cili është mesazhi i tyre, sqaron Ministrja e Presidencës Evropiane Liljana Pavllova:

Снимка"Njëri spot, të cilin e prezantojmë, quhet “Kjo është Bullgaria”. Me të duam të tregojmë vendin tonë përpara miqve tanë, për të cilët Bullgaria është një vend i panjohur. Spoti i dytë përshkruan prioritetet e Presidencës Bullgare, kurse i treti do të tregojë bullgarë të njohur dhe arritjet, të cilat i kemi dhënë botës. Videoja  ka një detyrë bazë - të zbulojmë sërish Bullgarinë si një xhevahir i fshehur i Evropës."

Videoja, e cila u kushtohet talenteve bullgarë, që e kanë lavdëruar dhe nderuar vendin tonë, akoma nuk është e përfunduar. Premiera e saj do të jetë pas disa javëve.


Producent i spoteve është Dimitër Goçev, regjisori është Bozhidar Velinov. Mesazhi të cilin e sjellin është se nuk ka se si të mos dashurohesh pas vendit tonë që në pamje të parë. Fotot lenë ndjenjën se e kanë kapur Bullgarinë në katër stinë, pavarësisht se janë bërë përpara 10 ditëve. Rolet kryesore u janë dhënë aktorëve Bojko Krëstanov  dhe Llorina Kamburova. Heronjtë e tyre janë dy të rinj të cilët udhëtojnë nëpër vend, njihen me traditat, zakonet dhe takojnë njerëz të rinj, të cilët i befasojnë me mikpritjen e vet dhe me qëllimet e tyre të mira. Në videon e shkurtër vendin e vet gjejnë dy tradita mijëvjeçare - vallëzimet e kukerëve/ njerëz të maskuar të cilët luajnë me maska të larmishme dhe të bukura të punuara me dorë dhe të vendosura në kokë për të dëbuar forcat e këqija/ dhe ato të nestinarëve /vallëzime tipike dhe karakteristike, të cilat luhen mbi prush, zakonisht janë të lidhura me festat kushtuar shenjtorëve Konstantin dhe Elena/. Një vëmendje e veçantë i është kushtuar folklorit bullgar, si dhe alfabetit tonë-alfabeti cirilik.

Buxheti për të tria spotet reklamuese, internet banderolat dhe logon, si dhe për muzikën origjinale, të kompozuar nga Krasimir Todorov, kushton 202 000 leva. Do të blihet dhe kohë për reklamim në televizionet dhe radiostacionet, në të cilat ato të transmetohen.

Përgatiti në shqip: Nataniela Vasileva

Fotografi: eu2018bg.bg dhe BGNES

Më shumë nga rubrika

Vizitoni Festën e Gështenjës në fshatin Brezhani

20 tetori është një festë e posaçme në fshatin e rrethit të Simitlisë Brezhani. Bëhet fjalë për festën e njohur të gështenjës. Këtë vit për të nëntën herë me radhë shoqata “Njerëzit dhe traditat” bashkë me banorët e fshatit e organizojnë këtë festë të..

botuar më 18-10-20 10.05.PD

Nadja Kozhuharova: Pa dënime të rënda nuk do ta kufizojmë trafikun dhe eksploatimin e njerëzve

Gjithnjë e më shpesh e quajnë trafikun e njerëzve “robëri bashkëkohore”. Me rastin e 18 tetorit, ditës ndërkombëtare për luftimin e trafikimit të njerëzve në OKB konstatojnë me shqetësim të madh se eksploatimi në rritje – kryesisht ndër..

botuar më 18-10-18 2.30.MD

Çavdar Çotov – mjeshtri i biçikletave të personalizuara

A e mbani mend historinë për Princin e Vogël, i cili mësoi nga dhelpra ç’do të thotë të lidhesh me dikë. “Për mua ti aktualisht je vetëm një djalë, i cili u ngjan qindra djemve të tjerë. Dhe unë nuk kam nevojë për ty. Dhe ti nuk ke nevojë për mua...

botuar më 18-10-16 3.44.MD