Sinodi i Shenjtë i Kishës Ortodokse Bullgare i drejtoi apel parlamentit me një adresatë zyrtare të mos ratifikojë Konventën e Këshillit të Evropës për parandalimin dhe luftimin e dhunës kundra grave dhe dhunës shtëpiake, të njohur akoma si Konventa e Stambollit. Sipas Sinodit, konventa shkakton shqetësim për të ardhmen e qytetërimit të krishterë evropian, sepse përmban një kuptim të ri për njeriun si një zot vetë-sundues dhe njeri pa Zot, i cili ndjek dëshirat e tij si dhe pasionet deri në një shkallë të tillë, saqë mund të vet-përcaktojë edhe seksin e vet. Idetë e parashtruara në Konventë  për një komunikim midis gjinive dhe për një qëndrim ndaj fesë, traditave, zakoneve, arsimit, janë në kundërshtim me konceptet themelore të popullit bullgar për besim, shtetësi, moral, nder, dinjitet, edukatë, familje-thuhet në apel.