Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarje me adresë ballkanike

Qiproja akuzoi Turqinë se e shkel të drejtën ndërkombëtare

Foto: BGNES

Presidenti i Qipros Nikos Anastasiadis tha se Turqia e ka shkelur të drejtën ndërkombëtare, duke bllokuar një anije shpimi afër shtetit ishullor. Anastasiadis paralajmëroi se Nikozia do t’i marrë “masat e domosdoshme”. Bëhet fjalë për një anije të kompanisë energjetike italiane ENI, e cila ndodhet në zonën ekonomike ekskluzive të Qipros. Turqia nuk i miraton sondazhet e tilla me argumentin, se ato nuk respektojnë të drejtat e turqve qipriotë, të lidhura me resurset natyrore pranë ishullit. Në rastin konkret Ankaraja reagoi duke dërguar anije luftarake, të cilat nuk lejuan vazhdimin e sondazheve. Sipas Turqisë disa pjesë të zonës pranë bregut të Qipros, që janë pjesë e ashtuquajturës Zonë Ekonomike Ekskluzive, ndodhen nën juridiksionin e Turqisë apo të turqve qipriotë.


Ushtria turke neutralizoi 1266 terroristë në Sirinë e Veriut

Foto: hurriyetdailynews.com

Shtabi i përgjithshëm i Forcave të Armatosura të Turqisë shpalli se që nga fillimi i operacionit me emër “Dega e ullirit” në rajonin e qytetit Afrin të Sirisë Veriore, u neutralizuan 1266 terroristë. Vetëm gjatë së dielës së fundit janë vrarë 86 luftëtarë nga Njësitë Kurde për Mbrojtjen e Popullit, Partia e Punëtorëve të Kurdistanit, Partia e Bashkimit Demokratik dhe DAESH. Televizioni SNN-Turk njoftoi se gjatë veprimeve të djeshme ushtarake 11 persona nga ushtria turke kanë humbur jetë.


Në samitin e ministrave evropianë të turizmit në Sofje do të marrë pjesë edhe Ankaraja

Foto: sozcu.com.tr

Ministri i kulturës dhe turizmit i Turqisë Numan Kartulmush do të marrë pjesë në samitin e homologëve të tij nga BE-ja në Sofje më 13 shkurt. Në kryeqytetin bullgar zoti Kurtulmush do të shoqërohet nga përfaqësuesit e firmave prijëse turke në fushën e turizmit. Në samitin e ministrave do të diskutohen temat për tregun kinez, sigurinë e turizmit, sfidat e reja për këtë sektor gjatë vitit 2018 dhe lidhjen mes turizmit dhe rritjes ekonomike.


66% prej maqedonasve kërkojnë anëtarësi në BE, 64% - në NATO

Foto: euobserver.com

Shumica e qytetarëve të Maqedonisë e përkrahin anëtarësimin e shtetit të tyre në NATO dhe BE, tregon studimi i Institutit për Studime Politike në Shkup. 64.2% prej tyre përkrahin perspektivën evropiane të vendit, 66% dëshirojnë të bëhen pjesë prej NATO-së. 45.4 për qind prej të anketuarve besojnë se në të ardhmen e afërt marrëdhëniet me Greqinë do të përmirësohen, vetëm 15.5% e kanë mendimin e kundërt.


Një gazetar pohon se në Prishtinë ka pasur bisedime për ndarjen e Kosovës

Photo: vecer.mk

Gazetari Berat Buzhala, i ciluat nga media maqedonase “Veçer”, pohon se Hashim Thaçi, Edi Rama dhe Ali Ahmeti kanë biseduar për ndarjen e Kosovës dhe ndryshimin e kufijve në Ballkan. Ka sqaruar se një skenar i tillë do të vlejë vetëm për ndryshimin e kufijve të Kosovës por jo edhe të vendeve të tjera ballkanike. Kjo është në lidhje me propozimin e Austrisë për autonominë e Kosovës së Veriut. Sipas Gazeta Express në këtë ndarje është përfshirë edhe Athina, sepse propozimin e ka miratuar edhe Ministri i punëve të jashtme i Greqisë Nikos Kocias. Përsëri Gazeta Express informon se Kryeministri Haradinaj është kategorikisht “kundër” një skenari të tillë.

Përpiloi: Stoimen Pavllov

Përgatiti në shqip: Jordanka Ivanova

Më shumë nga rubrika

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD
Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD