Desi Andonova dhe dimensionet e shumta të dashurisë në koncertin saj më 14 shkurt

Foto: arkiv personal

Desi Andonova është një nga personat e njohur të skenës bullgare. Emri i saj është lidhur me disa projekte muzikore, ndër të cilat janë Phuture Shock dhe Sentimental Swingers. Gjatë muajve të fundit ajo punon me disa muzikantë të shkëlqyer, me të cilët incizon albumin e saj të parë. Me ta këngëtarja do të japë koncert në një nga klubet e njohura të natës në Sofje më 14 shkurt. Atëherë tek ne kemi të paktën dy arsye për festim – në këtë datë sipas kalendarit të vjetër julian kremtojmë Shën Trifon dhe ditën tradicionale të verës, kurse të rinjtë festojnë ditën e dashurisë. Titulli i koncertit është Love Sounds with Desy.




Për mua dashuria është themeli i jetës dhe ndoshta kjo ndihet në muzikën time – tha Desi. Mbase kjo është arsyeja, për të cilën më kanë fituar të këndoj pikërisht në Ditën e dashurisë. Sipas meje dashurinë duhet ta festojmë çdo ditë, jo vetëm një herë në vit. Kjo është një ndjenjë e mrekullueshme, ka aq shumë dimensione dhe unë kënaqem me secilin prej tyre. Sipas meje arti është një nga aspektet e dashurisë dhe ndoshta është ai më i rëndësishmi. Në koncertin tim kam përfshirë muzikë të krijuar nga unë gjatë viteve të fundit. Ajo tingëllon në mënyrë magjepsëse në pranin e muzikantëve, me të cilët po punoj: Vasill Vutev (perkusione), Bozhidar Vasilev (trombon), Dimitër Gorçakov (piano) dhe Georgi Donçev (kontrabas). Secili prej tyre për mua është special dhe jam shumë e lumtur për këtë se jemi së bashku në studion e incizimeve. Me ta po punoj mbi albumin tim të parë dhe prania e tyre pranë meje është një frymëzim i vërtetë. Kuptoj sa e rëndësishme është që të ndodhesh në  me momentin e duhur pranë njerëzve të duhur. Muajit e fundit ishin të vështirë sepse humbëm Ronin (Andronia Popova) – me të ishin mike që nga fëmijëria, këndonim së bashku në duon Sentimental Swingers. Ishte një goditje e fortë për të gjithë ne, për mua ishte një katharsis personal. Pas vdekjes së saj shkrova një këngë. Për tekstin më ndihmoi një miku im i huaj që dhe më duket se u bë shumë i bukur. Titulli është “One of the Stars”.




Me siguri fakti se kënga “One of the Stars” është në gjuhën angleze nuk është një barrierë ndërmjet këngëtares dhe publikut të saj. Në fakt pothuaj të gjitha këngët e Desi Andonovës janë në anglisht, kështu është edhe në albumin e ri.

Përgatiti në shqip: Jordanka Ivanova

Më shumë nga rubrika

Fillon xhaz festivali në qytetin Bansko

Festivali ndërkombëtar në qytetin Bansko në rrëzat e malit Pirin (Bullgari Jugperëndimore) sivjet do të zhvillohet nga 4 deri më 11 gusht. Sipas traditës koncertet do të zhvillohen në skenën e qendrën e qytetit dhe në skena të shumta të vogla në..

botuar më 18-08-03 3.59.MD

Festivali i xhazit “Vera e Varnës” – profesionalizëm i vërtet dhe ekzekutime të papërsëritshme

Forumi i muzikës xhaz, i cili zhvillohet në kuadrin e Festivalit muzikor ndërkombëtar “Vera e Varnës” sipas traditës prezantoi një program interesant me emra të shquara të skenës botërore dhe me muzikantë të rinj të “muzikës së lirë” me potencial..

botuar më 18-08-02 11.34.PD

“Rrugicë e pashkelur” – festival për muzikë dhome në malet Rodope

Vera është një stinë e shkëlqyer, kur mund të realizohen shumë ide krijuese. Natyra është një nga frymëzimet më të mëdha, kurse festivali për muzikë dhome me titull “Rrugicë e pashkelur” është pikërisht një ngjarje e tillë. Nga data 3 deri më 6..

botuar më 18-08-01 1.01.MD