Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Bullgarët e kamur janë 300 mijë më shumë, 72% mbeten të varfër

БНР Новини
Foto: ec.europa.eu

Ka faktorë pozitivë, të cilët e kanë ndihmuar përmirësimin e gjendjes financiare të bullgarëve gjatë 4 muajve të fundit të vitit të kaluar. Ato janë rritja e qëndrueshme e ekonomisë (me rreth 3,6%) rritja e punësimit, ulja e papunësisë, aftësia më e lartë blerëse e familjeve. Shtim ka edhe në konsumin e brendshëm – ai është ndër motorët kryesorë të ekonomisë së shtetit. Këtë përfundim e bënë ekspertët nga Instituti për Studime Sindikale dhe Sociologjike pranë Konfederatës së Sindikatave të Pavarura në Bullgari në bazë të studimit të çmimeve dhe kostos së jetesës në shtet gjatë muajve të fundit.

Në të vërtetë po vihet re përmirësimi i gjendjes ekonomike të njerëzve – rriten të ardhurat dhe kjo është e dukshme në sfondin e 7-8 viteve të fundit. Tani rritja e të ardhurave e tejkalon rritjen e kostos së jetesës në vend – nënvizoi Pllamen Dimitrov, presidenti i Konfederatës së Sindikatëve. Në të njëjtën kohë rreth 45% prej familjeve tek ne jetojnë me të ardhura afër pragut të varfërisë. Njerëzit e këtij grupi për një vit janë pakësuar me 250 mijë veta. Kjo është një shenjë pozitive, sepse të ardhurat e familjeve janë duke u rritur.“– shtoi zoti Dimitrov dhe vazhdoi:

27% prej familjeve, apo 2 mln veta jetojnë nën vijën e varfërisë, me nga 314 leva për secilin anëtar të familjes për muaj (kjo është 161 euro). Krahas vitit të kaluar tani rreth 80 mijë veta kanë të ardhura më të larta dhe tashmë nuk hyjnë në këtë kategori. Më shpejt ritet numri i familjeve që kanë të ardhura mbi nivelin mesatar. Për një vit numri i njerëzve me të ardhura të larta është rritur 300 mijë. Por 72% prej popullsisë kanë vështirësi të konsiderueshme financiare. Ekziston një diferencë mes kostos së jetesës në Sofje dhe asaj në pjesën tjetër të shtetit dhe ajo është e madhe – 30%. Kryekqytetasit kanë nevojë për 750 leva (383 euro) për muaj për secilin anëtar të familjes, derisa për rajonet e tjera të Bullgarisë mjaftojnë 570 leva (291 euro). Paga mesatare në Sofje është 1150 leva (588 euro) për tremujorin e tretë të vitit 2017 dhe ajo është rreth 20% më e ulët nga ajo e domosdoshme për një jetesë normale.

Të dhënat nga studimi i Konfederatës së Sindikatëve të Pavarura për tremujorin e katërt të 2017-ës tregojnë se për mbulimin e shpenzimeve të një familjeje me 4 anëtarë ka nevojë për më se 2200 leva (1125 euro) për muaj. Një person mund të jetojë normalisht me 580 leva (296 euro) dhe kjo është për shkak të rritjes së çmimeve të produkteve ushqimore, të korrentit, ujit dhe lëndëve djegëse. Shtimi i çmimeve na afron gjithnjë e më shumë tek nivelet mesatare të tyre në BE. Për shembull ushqimet kanë arritur 70% prej nivelit mesatar  në shtetet e tjera evropiane, energjia elektrike, gazi dhe lëndët djegëse  -53%, transporti – 65%. Njëkohësisht të ardhurat tona mbeten ndër më të ulëtat në Evropë. Po të bëjmë një krahasim me Gjermaninë del se paga mesatare mujore është 4-6 herë më e ulët. I ngjeshëm do të jetë rezultati, po të krahasohemi me Francën, apo Holandën. Instituti për Studime Sindikale dhe Sociale  citon të dhënat e “Eurostatit”, sipas të cilave prodhueshmëria e punës së një personi  në Bullgari është 50% më e ulët krahas asaj mesatare në Evropë.

Përgatiti në shqip: Jordanka Ivanova



Последвайте ни и в Google News Showcase, за да научите най-важното от деня!

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD