Studimet e deritanishme në rajonin e kepit Hana, i cili është 12.5 km larg Bazës Antarktike Bullgare “Shën Klementi i Ohrit”, nuk janë kaq të thelluara si ato të ekspeditës së tanishme bullgare në kontinentin e akullt. Gjeologët bullgarë zbuluan në territorin më veriore pa borë dhe akull shumë fosile bimore të moshës rreth 86 mln vjet. Ato janë ruajtur në ranore të gjelbra me strukturë delikate.

Koleksioni i ri i fosileve do të studiohet në Muzeun e Paleontologjisë dhe Gjeologjisë Historike pranë Universitetit të Sofjes “Shën Klementi i Ohrit”. Shkencëtarët shpresojnë që të hedhin më shumë dritë mbi superkontinentin e lashtë Gondvana. Në të kaluarën e larët Antarktida e sotme ka qenë pjesë e tij. Atje, ku tani është mbulesa e akullt, dikur ka pasur bimësi gjithmonë të blerta.