Një bullgare nga Besarabia prezanton veprat e saj në atdheun e stërgjyshërve

Donka Minkovskaja

A keni hapur një sënduk të vjetër, plot me veshje të vjetra, cerga, pëlhura të qëndisura, batanije të thurura me dorë – një botë të tërë prej ngjyrave, kujtimeve dhe punës... Një botë të tillë na prezanton në pikturat e saj bullgarja nga Ukraina Donka Minkovskaja. Ajo erdhi në atdheun e të stërgjyshërve të saj për të treguar ekspozitën e me titull “Besarabia – thesaret prej sëndukëve të gjyshes”. Oraganizatorët e ekspozitës janë Qendra e Bullgarëve të Besarabisë në Bullgari dhe Instituti për Etnologji dhe Folkloristikë me Muze Etnografik pranë Akademisë Bullgare të Shkencave. Në një intervistë për Radio Bullgarinë Rajna Manxhukova – një nga themeluesit e Qendrës, tregoi:

Donkën e njohim prej kohësh. Kemi qenë në ekspozita të saj në Odesë. Atje ajo ka organizuar shumë ekspozita, veprat e saj ndodhen në Qendrën Ukrainase të Bullgarëve në Odesë. Por ëndrra e saj e msdhe ishte që të prezantojë punën e saj në Bullgari. Si të gjithë artistët bullgarë nga Besarabia. Ndoshta kjo është për shkak të kodit gjenetik, që e ruajmë të gjithë.”

Снимка

Siç na shpjegoi Rajna Manxhukova, ideja ka qenë që në vigjiljen e Çlirimit të Bullgarisë nga sundimi osman, të prezantohet një artist, veprat e të cilit janë lidhur me bullgarët e vjetër dhe me kulturën bullgare e së kaluarës. Donka Minkovskaja bën kolazhe, në të cilat përdor vetëm materiale natyrale. Dhe jo vetëm materiale natyrale, por të tilla, që janë lidhur me të kaluarën e bullgarëve. Në veprat e saj shpesh mund të shihet një pëlhurë e thurur prej leshit të kuq, e cila është specifike për fshatin e saj Çijshija (emri i sotëm është Gorodnee). Prej kësaj pëlhure në të kaluarën kanë përpunuar veshjet popullore, mirëpo sot askush nuk e thur atë. Donka Minkovshkaja me shumë kujdes dhe dashuri e ka mbledhur nga sëndukët e vjetër të gjyshave. Prandaj organizatorët e ekspozitës kanë zgjedhur titullin “Thesaret prej sëndukëve të gjyshes”.

Снимка

Ja se si zonja Manxhukova e prezanton piktoren Donka Minkovskaja:

Donka është një artiste, e cila meriton admirimin tonë. Edhe si artiste, edhe si person... Që nga fëmijëria ëndrra e saj është të vizatojë. Duhet të them se fshati i saj Çajshija ndodhet larg qyteteve të mëdha. Atje nuk ka mundësi për zhvillimin e talenteve specifike të fëmijëve. Ky nuk është qyteti i madh, ku mund t’i ofrojmë fëmijës variante të ndryshme për argëtim apo arsim – muzikë, kërcime, tenis, not etj. Donka që në fëmijëri ka treguar qëndrimin e saj të posaçëm ndaj vizatimit, mirëpo askush rreth saj nuk e ka pranuar seriozisht ambicien e saj. Përveç kësaj ka pasur shumë probleme shëndetësore. Pas mbarimit të shkollës së mesme zgjedhja e saj ka qenë kryeqyteti Odesa dhe specialiteti i arteve figurative.

Снимка

Si lindi dashuria e Donkës ndaj fustaneve të gjyshave dhe kostumeve të bukura prej së kaluarës? Gjithçka ka filluar me punën e saj të diplomës në Shkollën artistike dhe teatrale në Odesë:

"Vendosa të bëj diçka duke përdorur teknikën e kolazhit. E zgjodha temën, sepse ajo është më afër zemrës sime – sepse unë jam bullgare, nëna ime dhe babai im gjithashtu janë bullgarë. Dhe tek ne gjyshat akoma ruajnë shumë pëlhura dhe veshje në sëndukët e tyre" – shpjegon Donka, duke përdorur një gjuhë specifike, e cila në vazhdim të shekujve është zhvilluar larg atdheut (shumë ardhës bullgarë vijnë në Besarabi pas Luftës Ruso-Turke të viteve 1768-1774) dhe posaçërisht pas Luftës Ruso-Turke të viteve 1828-1829.

Me ndihmën e Qendrës së Bullgarëve të Besarabisë  Donka Minkovskaja do të regjistrohet si studente për master në Akademinë Kombëtare të Arteve Figurative në Sofje.

Përgatiti në shqip: Jordanka Ivanova

Foto: Veneta Pavllova

Më shumë nga rubrika

Piktorë nga katër shtete bënë 3D-piktura për Botërorin e volejbollit

Tetë piktorë nga katër shtete pikturuan vizatime 3D kushtuara Kampionatit Botëror të volejbollit. Ndeshjet e grupit “B” të kampionatit, në të cilat luajtën skuadrat e Brazilit, Kanadasë, Francës, Egjiptit, Kinës dhe Holandës, u zhvilluan në qytetin..

botuar më 18-09-24 12.10.MD

Kamen Vodeniçarov: Në filmin tonë për Sofjen tregojmë patriotët e vërtetë dhe ndërtimtarët e Bullgarisë bashkëkohore

Dokumentari “105 minuta në Sofje – historia e qytetit” tregon për ngjarje të rëndësishme nga historia tetëmijë-vjeçare të kryeqytetit të sotëm bullgar. Në këtë udhëtim në kohë ka gërmime arkeologjike, zgjidhje të mençura të problemeve urbanistike,..

botuar më 18-09-20 3.22.MD

Kumbimi i festivalit të XIV i Festivalit botëror të filmit vizatimor

Qendra e kongreseve dhe festivaleve në qytetin bregdatar Varnë (Bullgari Verilindore) ishte mikpritëse e edicionit të katërmbëdhjetë të Festivalit botëror të filmit vizatimor. „ Ky është një art aq i lirë, me aq shumë autorë kureshtarë,..

botuar më 18-09-18 4.00.MD