Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarje me adresë ballkanike

Erdogani përsëri kritikoi NATO-n

Foto: BGNES

Presidenti turk Rexhep Tajip Erdogan e akuzoi NATO-n, se nuk e përkrah operacionin ushtarak turk “Dega e Ullirit” kundra luftëtarëve sirianë kurdë në Sirinë Veriore. Ai e akuzoi Aleancën në standarde të dyfishta, duke vënë në dukje se, Turqia ka dërguar ushtarë të vet në zonat e konfliktit, kur kjo është kërkuar nga NATO-ja, por kur nevojitet që asaj t’i jepet ndihmë, një përkrahje e tillë mungon. Operacioni “Dega e Ullirit” filloj më 20 janar. Në rajonin e Afrinit, ku zhvillohet ai, jetojnë rreth 1,5 milionë kurdë dhe refugjatë nga krahina të tjera të Sirisë.


Grekët besojnë se, zgjidhja e mosmarrëveshjes do të jetë më afër pozitës maqedonase

Foto: BGNES

57.1% nga grekët besojnë se, zgjidhja e mosmarrëveshjes lidhur me emrin do të jetë më afër pozitave maqedonase dhe vetëm 26.9% presin që të jetë më afër atyre greke. 16% nuk mundin ose nuk duan që t’i përgjigjen kësaj pyetjeje, tregon një studim i zhvilluar për televizionin grek “Action 24”. 57.1% nga ata të cilët janë përgjigjur, se vendimi do të jetë më afër kërkesave maqedonase, në zgjedhjet e fundit parlamentare gjatë muajit shtator 2015, kanë votuar për Demokracinë e Re opozitare, kurse 39.7% për SIRIZËN. Anketimi tregon, se gjatë zgjedhjeve eventuale sot Demokracia e Re do të ketë përparësi përpara SIRIZËS që është në pushtet.


VMRO-DPMNE do të përkrahë qeverinë, në qoftë se ajo heq dorë nga ligji për gjuhët

Foto: kurir.mk

Lideri i partisë opozitare maqedonase VMRO-DPMNE Hristijan Mickoski i propozoi kryeministrit të Maqedonisë Zoran Zaev një përkrahje pa kushte të qeverisë në të gjitha reformat, në qoftë se partia e Zaevit /Bashkimi Social Demokratik i Maqedonisë/ heq dorë nga ligji për gjuhët. Në një intervistë për TV 24 ambasadori i Francës Kristian Timonie, duke iu referuar një pozite të komisionarit evropian Johanes Han, komentoi se  ky ligj nuk është me prioritet për Bashkimin Evropian. Ambasadori citoi po kështu një deklaratë të liderit të Bashkimit Demokratik për Integrim Ali Ahmeti, se shqiptarët kanë pritur për këtë ligj 150 vjet dhe mund të presin edhe pak.


Shtet e Bashkuara kanë përgatitur plan prej 4 pikave për Kosovën

Foto: BGNES

Gazeta “Novosti” njoftoi se Shtetet e Bashkuara kanë përgatitur një paketë të posaçme prej 4 pikëve për Kosovën, e cila gjatë javëve të ardhshme do t’i paraqitet  fillimisht presidentit të Serbisë Aleksandër Vuçiç. Një variant pune i “paketës kosovare” mundet të prezantohet në Beograd gjatë ditës së martë, 13 mars, nga ndihmës sekretari i ri amerikan i shtetit për Evropën dhe Eurazinë Ues Miçëll. Dokumenti ka parashikuar që Asociacioni i Komuniteteve Serbe në Kosovë të fitojë autorizime më të mëdha ekzekutive dhe të forcojë kompetencat e veta në shëndetësi, arsim dhe kulturë. Në këmbim të kësaj, nga Beogradi pritet që t’i lejojë Prishtinës të bashkohet ndaj organizatave ndërkombëtare.


Opozita e Malit të Zi ngriti kandidatin e vet për president

Foto: vijesti.me

Pjesa më e madhe e partive opozitare të Malit të Zi  caktuan ekonomistin dhe deputet Mlladen Bojaniç kandidat të tyre për zgjedhjet presidenciale në republikë, të cilat duhet të zhvillohen më 15 prill. Kandidatura bashkon opozitën kundra Partisë Demokratike të Socialistëve në drejtim. Vet pushtetarët akoma nuk kanë ngritur kandidatin e vet, por pritet që ky të jetë lideri i tyre Millo Xhukanoviç, ish president dhe gjashtë herë kryeministër i Malit të Zi.

Përpiloi: Stoimen Pavllov

Përgatiti në shqip: Nataniela Vasileva

Më shumë nga rubrika

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD
Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD