Për Kosovën Bullgaria është partner rajonal dhe euro-atlantik

Një intervistë me Ambasadorin e Republikës së Kosovës në Sofje Shkëlqesinë e Tij z. Shpend Kallaba
Foto: Jordanka Ivanova

Pasi kremtuam përvjetorin e 10-të të Pavarësisë së Republikës së Kosovës, më 20 mars kemi akoma një përvjetor tjetër me rëndësi – këtë herë për marrëdhëniet ndërmjet Bullgarisë dhe Kosovës. Bëhet fjalë për njohjen zyrtare të Republikës së Kosovës nga ana e Bullgarisë. 10 vjet më vonë Shkëlqesia e Tij z. Shpend Kallaba, Ambasadori i RKS-së në Sofje, dha një intervistë të detajuar për raportet dypalëshe në të gjitha fushat e bashkëpunimit.

Që kurse Bullgaria ka njohur Pavarësinë e Kosovës (20 mars 2008) e deri më sot dy republikat kanë nënshkruar një sërë marrëveshjesh në fusha të ndryshme: ekonomi, politikë, energjetikë, transport, arsim, turizëm etj.




Për Kosovën Bullgaria është partner rajonal dhe euro-atlantik. Ne i jemi mirënjohës Bullgarisë për rolin e saj proaktiv dhe kontributin, që e kanë dhënë shumë ushtarë, policë bullgarë, ekspertë e diplomatë në kuadër të organizatave ndërkombëtare dhe misioneve të huaja – tha Ambasadori Kallaba dhe vazhdoi:

Trendi i bashkëpunimit tregtar dhe ekonomik shënon rritje. Problemi kryesor nga ana e Kosovës mbetet mungesa e lëvizjes së lirë për shkak të vizave bullgare. Ka interes nga kompanitë bullgare të investojnë në Kosovë. Së shpejti do të mbajmë dhe Forumin ekonomik mes dy vendeve në Sofje. Po ashtu, pas nënshkrimit të Marrëveshjes për Stabilizim-Asociim me BE-në, Kosova po bëhet një vend i sigurt për investimet e huaja, me një rritje konstante të zhvillimit ekonomik vjetor prej 4%. Kjo është rritja më e lartë në rajon.  Produktet bullgare janë të mirëpritura nga qytetarët e Kosovës.

Për sa i përket përkrahjes së Bullgarisë për integrimin evropian të Kosovës, zoti Shpend Kallaba është i mendimit se Bullgaria po luan një rol të rëndësishëm, duke përshpejtuar proceset integruese në Ballkanin Perëndimor. Por duhet nënvizuar se Kosova është vendi më pro-evropian në Ballkan me besueshmërinë më të madhe në perspektivën e anëtarësimit në BE (pothuaj 90% e popullatës). Samiti i liderëve shtetërorë në maj, që do të mbahet në Sofje, është përcaktues për të ardhmen e rajonit. Në zgjidhjen përfundimtare të problemeve ndërshtetërore në raport me Bashkimin Evropian, ne kemi nevojë të punojmë më shumë si rajon.  Duhet marrë shembullin e shteteve të Vishegradit, apo edhe atyre baltike. Kosova është pjesëmarrës konstruktiv dhe proaktiv në tërë këtë proces – tha zoti Kallaba.

Më shumë nga rubrika

Martin Minkov: Pavarësisht nga marrëveshja e arritur për emrin e Maqedonisë, regjioni mbetet problematik

Lajmi ballkanik i javës – marrëveshja e arritur ndërmjet kryeministrit grek dhe homologut të tij maqedonas për emrin e Maqedonisë, sikur përsëri e rriti tensionin në gadishull. Hapi përpara në lidhje me kontestin e emrit dhe varianti i miratuar..

botuar më 18-06-15 5.05.MD
Biser Petkov

Për dorëheqjen e Ministrit të Punës dhe Politikës Sociale dhe pyetjet që ajo provokon

Më 11 qershor në fund të ditës së punës u njoftua se Kryeministri Bojko Borisov e ka pranuar dorëheqjen e Ministrit të Punës dhe Politikës Sociale Biser Petkov. Si shkak për dorëheqjen z. Petkov ka shënuar pamundësinë për ta përballuar tensionin e..

botuar më 18-06-12 3.35.MD
Ata të cilët e nënshkruan deklaratën përfundimtare në Varshavë ripohuan edhe përkrahjen e shteteve të tyre për doktrinën e NATO-së për Rusinë.

Vallë, a bën kthesë Bullgaria në Lindje

Në fund të muajit maj sociologu nga “Galllëp Interneshënëll” Përvan Seimeonov komentoi para Radios Kombëtare Bullgare, se “gjatë disa muajve të fundit Bullgaria bën një kthesë të dukshme në Lindje”. Si shenje për këtë zoti Simeonov tregoi pozitën..

botuar më 18-06-11 1.28.MD