Varfëria e energjisë dhe ndotja e ajrit janë temat kryesore të konferencës regjionale, organizuar nga Rrjeti për Efikasitet Energjetik “EkoEnergjia”. Ngjarja është pjesë e programit të Presidencës Bullgare të Këshillit të Bashkimit Evropian.

Bullgaria do të kërkojë mënyra për pakësimin e varfërisë së energjisë të njerëzve përmes projekteve për kursimin e energjisë, deklaroi në forum Zheço Stankov, zëvendës-ministër i energjetikës. Ai shtoi se akoma po punohet mbi definicionin për "varfërinë e energjisë".

Qëllimi i masave për efikasitet energjetik është sigurimi i një standardi më të lartë për jetesë. Masat afatshkurtra janë ndihmat direkte për pagimin e llogarive të familjeve. Por më të rëndësishme janë masat afatgjata, të drejtuara drejt pakësimit të konsumit. Bullgarët, të cilët nuk mund të sigurojnë ngrohje të mjaftueshme në shtëpitë e tyre, janë afro 40%. Kjo përqindje është më e larta në Bashkimin Evropian ku njerëzit e tillë janë mesatarisht 8%.