Koncerti i Trios Zhivko Petrov (JP3) me mikun e posaçëm Teodosij Spasov

Foto: arkiv personal

Më 11 prill, Studioja numër 1 e Radios Kombëtare Bullgare është mikpritëse e një koncerti, incizimi i të cilit do të transmetohet në valët e “EuroRadio”-s më 30 prill – Ditën ndërkombëtare të xhazit. Nderin ta shënojnë festën sivjet e kanë Zhivko Petrov – piano, Veselin Veselinov-Eko – kontrabas, dhe Dimitër Semov – bateri. Muzikantët e njohur punojnë bashkërisht prej viteve, mjaft përpara vitit 2006, kur shpallin zyrtarisht lindjen e tyre në JP3 (“Jivko Petrov Trio”). Marrin pjesë dhe në një sërë projektesh me interpretues të tjerë të njohur të gjeneratave të ndryshme – këngëtarët Jëlldëz Ibrahimova, Maria Ilieva, Hillda Kazasjan, Orlin Pavllov, Vasill Petrov, violinisti Vasko Vasilev e shumë të tjerë.

Le të rikujtojmë se më 30 prill “muzika e njerëzve të lirë” festohet në pikë të ndryshme të planetit. Data është shënuar për herë të parë  gjatë vitit 2012 në bazë të propozimit të legjendës Herbie Hancock, ambasador i Vullnetit të mirë të UNESKO-s, për një dialog ndërkulturor. Sipas faqes zyrtare bullgare të Komisionit Kombëtar pranë UNESKO-së, dita Ndërkombëtare e xhazit kryesohet nga Irina Bokova , drejtoresha e përgjithshme e UNESKO-s dhe nga xhaz-pianisti amerikan dhe kompozitor. Dita e 30-të e muajit prill është dhe dita e fundit e muajit të xhazit (Jazz Appreciation Month), të shënuar në Shtetet e Bashkuara të Amerikës.

Tek ne, dita Ndërkombëtare e xhazit zakonisht është shkak për ngjarje të paharrueshme muzikore me pjesëmarrjen e interpretuesve të njohur. Për herë të parë e kremtuam në vitin 2012 me interpretimin e orkestrës “Big Band” të Radios Kombëtare Bullgare me dirigjent Antoni Donçev. Sivjet  JP3 i’a përkushton ngjarjen programit të vet, në të cilin janë përfshirë kompozicione nga 3 albumet e formacionit – “Understandable”, “It's а Dream” dhe “Between the Worlds”. Do të tingëllojnë dhe disa këngë nga projekti më i ri i JP3-së – “Change the way”. Aktualisht muzikantët punojnë me ngulm mbi albumin e tyre të ri me të njëjtin titull. Si një mik i posaçëm në skenën e Studios së Parë do të dalë dhe klarinetisti i shquar bullgar Teodosij Spasov.




Përgatiti në shqip: Nataniela Vasileva

Më shumë nga rubrika

Rock grupi “SEVI” me album të ri – “Follow Me”

Rock grupi bullgar “SEVI” është krijuar gjatë vitit 2010 nga këngëtarja Svetllana Bliznakova dhe Rali Velinov – bas kitarë. Më vonë me ta u bashkuan muzikantë të ndryshëm, por Sevi dhe Rali janë figurat kryesore në formacion edhe si interpretues, edhe si..

botuar më 19-03-23 10.55.PD

“Alisa në botën e xhazit” për fëmijë nga 2 deri më 102 vjeç

Më 23 mars në Studion numër 5 të Pallatit Kombëtar të Kulturës në kryeqytet do të zhvillohet edicioni i dytë i “Alisës në botën e xhazit” – një spektakël muzikor dhe teatral, premiera e suksesshme e të cilit ishte gjatë muajit janar. Siç thuhet në..

botuar më 19-03-22 5.11.MD
Tricia Dawn Williams

ppIANISSIMO’ 2019 – nga pianoja e "zgjeruar" deri tek improvizimet spontane

Festivali për muzikë moderne të ekzekutuar në piano ppIANISSIMO do të zhvillohet midis datave 22 mars dhe 7 prill. Koncertet do të zhvillohen në studion numër 1 të Radios Kombëtare Bullgare dhe në sallën e koncerteve të Akademisë Kombëtare..

botuar më 19-03-22 12.48.MD