Liljana Pavllova: Brenda tre muajve që është në krye të BE-së Bullgaria përfitoi shumë dobi për shtetasit evropianë

Autor:
Foto: BGNES

Kaluan tre muaj që nga fillimi i Presidencës Bullgare të Këshillit të BE-së, e para për vendin tonë. 62 ditë të punës, plotë takime të shumta të nivelit të lartë dhe mbledhje të grupeve të punës si në Sofje ashtu edhe në kryeqytetet e BE-së – Bruksel dhe Strasburg. Në një konferencë për shtypin organizuar në Pallatin Kombëtar të Kulturës, ministrja e Presidencës Bullgare të Këshillit të BE-së Liljana Pavllova duke evidentuar punën e kryer deri tashti theksoi, se brenda këtyre tre muajve u siguruan shumë dobi të gjithë shtetasve evropianë:

Gjatë kësaj periudhe në Sofje, Bruksel dhe Strasburg u zhvilluan më se 1000 mbledhje, 22 këshilla të ministrave. Në Sofje kalendari i presidencës përfshin më se 320 veprimtari, 100 prej të cilave tashmë u bënë fakt. Një nga arritjet, me të cilat krenohemi është, se në kuadrin e njërës prej takimeve në nivel parlamentar, miratuam rregullat për punë të Evropolit. Një hap tjetër i rëndësishëm për zhvillimin e BE-së është, se arritëm të miratojmë direktivën për punëtorët me shërbim. Miratuam vendime në fushën e mjedisit dhe klimës, të lidhura me monitorimin e emetimeve të karbonit të automobilave, si dhe me direktivën për efektivitetin energjetik të godinave. Përfunduam punën mbi një rregullore lidhur me bllokimin sipas parimit gjeografik, e cila u miratua gjatë presidencës estoneze. Aplikimi i saj nga 1 dhjetori i këtij viti do t’u lejojë shtetasve të bashkimit të tregtojnë online produkte në çdo sajt evropian pa të ridrejtohen te faqe të tjera internet, ku mallrat ofrohen me çmime më të leverdishme.

Ministrja Pavllova iu kushtoi vëmendje edhe disa propozimeve të tjera, të cilat kanë rëndësi për shtetasit. Një pjesë prej tyre u miratuan nga ministrat e financave të vendeve anëtare. Një shembull për këtë është rregullorja sipas së cilës dikasteret tatimore të vendeve të BE-së detyrohen të shkëmbejnë informacion në raste dyshimi ose kryerje të mashtrimeve financiare si fshehja dhe zbrazja e tatimit të vlerës së shtuar.

Punohet me këmbëngulje edhe mbi prioritetin kryesor për Bullgarinë – të ardhmen e Ballkanit Perëndimor. Detyra e Bullgarisë është jo vetëm të caktojë datat e aderimit të shteteve ballkanike në BE-në, por t’u tregojë shtetasve të tyre dobitë e anëtarësimit. Dhe kjo do të ndjehet me përfundimit e konektivitetit transportues, energjetik dhe digjital midis shteteve të Ballkanit. Kështu do t’u garantohet e drejta e tyre për akses me burime më të lira dhe më të larmishme energjetike, me infrastrukturë më të sigurt transportuese, me mundësi më të mira për biznes, si dhe biseda më të lira dhe internet më të shpejtë, saktësoi ministrja Pavllova. Përsa i përket takimit të nivelit të lartë më 17 maj dhe sinjalet, se disa shtete anëtare mund ta bojkotojnë për pjesëmarrjen e Kosovës, ministrja bullgare tha, se është e rëndësishme, që takimi të mbahet në emër të së ardhmes më të mirë të Evropës. Pritet, që në kuadrin e tij të miratohet “Deklarata e Sofjes” në të cilën të regjistrohen të gjitha vendimet e miratuara gjatë bisedimeve, si dhe angazhime konkrete të BE-së për investime dhe zhvillim të regjionit.

Përgatiti në shqip: Svetllana Dimitrova

Më shumë nga rubrika

Drama para zgjedhjeve në Bullgari për Parlament Evropian

Zgjedhjet në Bullgari për Parlamentin Evropian do të zhvillohen më 26 maj dhe deri atëherë mbeten 67 ditë. Regjistrimi i listave me emrat e kandidatëve duhet të mbahet jo më vonë se 32 ditë para ditës zgjedhore, ndërsa për shumicën e forcave..

botuar më 19-03-19 2.45.MD

Marrëdhëniet me Rusinë varen nga faktorët e jashtëm dhe pas vizitës së Kryeministrit Medvedev në Bullgari

Më 4 dhe 5 mars Kryeministri i Rusisë Dmitri Medvedev ishte në Bullgari për një vizitë zyrtare, e cila ishte ngarkuar me pritje të larta paraprake. Kishte supozime për zhvillime pozitive sa u përket ideve për degëzimin e gazsjellësit “Rryma Turke” përmes..

botuar më 19-03-06 2.44.MD

Vizita të nivelit të lartë në Bullgari riaktivojnë pozita të njohura proatlantike dhe proruse të pushtetit

Sekretari i përgjithshëm i NATO-s Jens Stoltenberg mbërriti ditën e enjte për vizitë në Bullgari pasi mori pjesë në samitin e iniciativës B-9 në Sllovaki. Në takimin në fjalë Bullgaria u paraqit nga Presidenti Rumen Radev, ndërsa ai komentoi atje..

botuar më 19-03-01 3.55.MD