Emrat nga e ardhmja e konkursit “Virtuozë të rinj”

Foto: arkiv

Konkursi ndërkombëtar “Virtuozë të rinj-2018” u hap më 15 prill me koncert të Filarmonisë së Sofjes me dirigjent Najden Todorov. Soliste në program qe Sofia Mehonoshina. Klarinetistia e re e cila sapo ka bërë 14 vjeç, tanimë është mbajtëse e dekoratave nga konkurse ndërkombëtare në Rusi, Austri, Itali, Spanjë, si dhe e dekoratës së madhe “Zbulimi i konkursit” nga edicioni i mëparshëm i “Virtuozëve të rinj”. Gjatë vitit 2017 ajo mori çmimin e posaçëm të Filarmonisë së Sofjes, gjë e cila i dha mundësi të japë këtë koncert me orkestrën prestigjioze.

Konkursi është i krijuar gjatë vitit 2004 për nder të 100 vjetorit nga themelimi i institucionit të parë muzikor-arsimor tek ne, sot Shkolla Kombëtare Muzikore “Ljubomir Pipkov”. Konkursi është i përcaktuar për interpretues dhe kompozitorë të rinj. Që nga viti 2013 është pjesë nga Bashkimi Evropian i Konkurseve Muzikore për të Rinj (European Union of Music Competitions for Youth - EMCY). Sivjet pjesëmarrësit janë nga Austria, Italia, Rusia, Shtetet e Bashkuara, Japonia, Koreja e Jugut, Bullgaria e të tjera. Ata do të konkurrohen në 2 kategori - muzikë dhome dhe kompozicion. Konkursi për një bërje të muzikës në ansambël do të zhvillohet në City Mark Art Center. Fillon më 16 prill, kurse më 22 prill është dekorimi dhe koncerti përfundimtar i laureatëve.

Për herë të radhës në Sofje mblidhen në një vend instrumentistë të rinj, të cilët do të përcaktojnë të ardhmen në skenën botërore muzikore. “Presim një konkurrencë serioze. Të gjithë këta fëmijë janë virtuozë të vërtetë dhe besojmë se do të zgjedhim më të denjët mes tyre” – fjalë këto të Millka Mitevës, themeluese dhe drejtoresh artistike e forumit. Sipas traditës në juri janë të ftuar emra të autoritetshme. Formacionet e dhomës do të vlerësohen nga profesoresha Dora Shwarzberg-Romanov (Austri), profesori Leonid Kerbel (Belgjik/Ukrainë), profesori Romain Garioud (Francë), profesori Giuliano Mazzoccante (Italia) dhe profesori Dimo Dimov nga Bullgaria.

Juria ndërkombëtare për kompozim do të shpallet gjatë muajit tetor, kur do të zhvillohet dhe konkursi për kompozitorë të rinj. Një pjesë nga kategoritë mbajnë emrat e disa nga muzikantët më të shquar bullgarë dhe pedagogë – profesoresha Ljuba Ençeva /piano/, profesori Sava Dimitrov /klarinetë/, profesori Kirill Karell Stari /korno/, profesori doktor Dobri Paliev /bateri/, profesori Georgi Badev /violinë/. Që nga viti 2018 konkurrimi në kompozicion do të mbajë emrin e kompozitorit të madh bullgar akademik Marin Goleminov.

“Virtuozë të rinj” organizohet në partneritet me Shkollën Kombëtare Muzikore “Ljubomir Pipkov” dhe është një pjesë nga kalendari i ngjarjeve kulturore të Bashkisë së Kryeqytetit për vitin 2018. Fondi i dekorimit është 21 750 leva dhe sigurohet nga Ministria e Kulturës. Në çdo një grup të moshës jepen nga 3 çmime. Ka dhe jo pak çmime të posaçme.

Ditët e konkurrimit, gala koncerti dhe ceremonia solemne janë me prani të lirë dhe mund të vizitohen nga të gjithë adhuruesit e muzikës klasike.


Më shumë nga rubrika

Buzëqeshje të shumta dhe frymë festive

Për këngëtarët e vegjël nga kori i fëmijëve “Bodra pesen” nga qyteti Shumen muaji dhjetor është i përmbushur me ngjarje të shumta. Kori është themeluar përpara 55 vjetëve nga profesoresha Veneta Viçeva, dhe kori ka pranuar si datë për ditëlindjen..

botuar më 18-12-11 12.41.MD
Dekorimi i Michael Butten, Joan Dimçovski dhe Samuell Sollomon.

Takime profesionale dhe emocione të mëdha në Festivalin Ndërkombëtar të Kitarës në qytetin Pleven

Para disa ditëve në qytetin Pleven përfundoi edicioni i katërt i Festivalit Ndërkombëtar të Kitarës “Pleven Guitar Festival”. Themelues dhe drejtor artistik është Nikollaj Mihajllov – pedagog i ri i kitarës klasike, interpretues, autor i muzikës..

botuar më 18-12-07 9.00.PD

“Vaishnav Jan To” po e rrotullon botën për nder ndaj Mahatma Gandit

Njeriu i mirë është ai, i cili ndien dhimbjen e të tjerëve, i ndihmon njerëzit të cilët jetojnë në varfëri dhe nuk e lejon krenarinë të pushtojë vetëdijen e tij... Ai asnjëherë nuk do të thotë një gënjeshtër... Në vetëdijen e tij bashkëjetojnë që..

botuar më 18-12-06 10.25.PD