Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarje me adresë ballkanike

Presidenti Erdogan justifikoi goditjet me raketa në Siri

Foto: BTA

Sipas Turqisë sulmet e SHBA-së, Britanisë së Madhe dhe Francës të përqendruara në Siri, janë të drejta, sepse “nuk mund të mendojmë se përdorimi i armëve kimike nga ana e regjimit të Asadit mund të mbetet pa përgjigje” - tha presidenti i Turqisë Rexhep Erdogan. Presidenti e bëri këtë deklaratë pasi diskutoi çështjen me kryeministren britanike Theresa May. Kryeministri i Turqisë Binali Yıldırım i cilësoi sulmet kundër Sirisë si një “hap pozitiv”, por shtoi se ka shumë punë për të bërë për arritjen e paqes së qëndrueshme.


Serbia shpalli neutralitet ushtarak në lidhje me sulmet me raketa kundër Sirisë

Foto: BGNES

Presidenti Aleksandër Vuçiç deklaroi para Ambasadorit amerikan në Beograd Kyle Scott, se Serbia do t’i përmbahet politikës së neutralitetit ushtarak në këtë situatë me goditjet e SHBA-së dhe aleatëve të tyre në Siri. Këtë pozitë kreu i shtetit e zuri pas ftesës e Shteteve të Bashkuara ndaj Serbisë, që ajo të marrë pjesë në hetimin në qytetin sirian Duma. Hetimi zhvillohet nga Organizata për Ndalimin e Armëve Kimike. Serbia e dënon përdorimin e armëve kimike kudo në botë, por si një shtet i vogël, nuk dëshiron të marrë pjesë në marrëdhëniet mes fuqive të mëdha , shpjegoi presidenti Vuçiç. Më herët ai komentoi se sulmet me raketa të SHBA-së, Britanisë së madhe dhe Francës u ngjajnë shumë bombardimeve të Jugosllavisë.


Shqipëria dhe Kosova përkrahin veprimet e aleatëve kundër regjimit të Asadit

Foto: BGNES

Presidenti i Shqipërisë Ilir Meta shpalli se Tirana e mbështet ndërhyrjen ushtarake të aleatëve perëndimorë kundër regjimit kriminal të Bashar Al Assad. “Mbështesim ndërhyrjen ushtarake të SHBA, Francës e Britanisë ndaj arsenalit kimik të regjimit kriminal të Asadit.  Jemi në krah të aleateve tanë dhe mbështesim vendosmërinë e Presidentit Trump në mbrojtje të jetëve të njerëzve, të të drejtave të njeriut dhe të çdo veprimi, i cili jo vetëm ndëshkon akte barbare, por krijon më shumë siguri dhe stabilitet në mbarë botën”, shprehet Meta në mesazhin e tij. Me pozitën e presidentit u solidarizuan gjithashtu Ministria e Punëve të Jashtme dhe Partia Demokratike opozitare. Institucionet e Kosovës dhe partitë politike në Prishtinë gjithashtu i përkrahin goditjet me raketa në Siri. Sulmet kimike kundër qytetarëve nuk mund të justifikohen dhe përpjekjet e shteteve demokratike për të vendosur paqe në këtë shtet është diçka e domosdoshme – nënvizoi Kryeministri i Kosovës Ramush Haradinaj.


Gjukanoviç fitoi zgjedhjet presidenciale në Malin e Zi

Foto: BGNES

Ish kryeministri dhe ish presidenti i Malit të Zi, i cili është lider i Partisë Demokratike të Socialistëve Milo Gjukanoviç shpalli fitoren e tij në zgjedhjet presidenciale, të cilat u zhvilluan të dielën. Ai premtoi aderimin e shtetit në BE para përfundimit të mandatit të tij. Gjukanoviç fitoi në raundin e parë me 54% prej votave. 56-vjeçari ekonomist e ndau Malin e Zi nga Serbia në vitin 2016 dhe vitin e kaluar shteti i tij u bë pjesë e NATO-së. Tani objektiva e presidentit të ri është perspektiva evropiane dhe për arritjen e saj mund të mbështet në përkrahjen e komuniteteve kroate, shqiptare dhe boshnjake, të cilat përbëjnë 15% të votuesve, pohojnë vëzhguesit politikë.


Zaev: Emri i ri vetëm për përdorim ndërkombëtar pa ndryshimin e Kushtetutës

Foto: vlada.mk

Maqedonia dhe Greqia kurrë nuk kanë qenë aq afër zgjidhjes së kontestit të vjetër për emrin e shtetit, por ato akoma kanë disa pika të mosmarrëveshjes për sa i përket amendamentit kushtetues, të lidhur me përdorimin e emrit të ri, tha kryeministri Zoran Zaev. Është arritur përparim për shumicën e çështjeve kontradiktore, por akoma ka disa paqartësi. Pala greke dëshiron që emri i ri të përdoret nga të gjithët (erga omnes), kurse pala maqedonase insiston që ai të përdoret vetëm jashtë Maqedonisë dhe kështu nuk duhet të bëhen ndryshime në Kushtetutë, sepse përdorimi i brendshëm i emrit nuk ka të bëjë me Greqinë, saktësoi Zaevi.

Përpiloi: Stoimen Pavllov

Përgatiti në shqip: Jordanka Ivanova

Më shumë nga rubrika

Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD

Qeveria ndau fonde për komunitetet bullgare në regjion

Këshilli i Ministrave miratoi dhe ndau fonde deri në 2 100 000 leva në kuadër të Programit për të mbështetur organizatat e komuniteteve bullgare në Shqipëri, Serbi, Kasovë, Ukrainë dhe Moldavi dhe për qytetarët e Republikës së Maqedonisë së Veriut..

botuar më 24-03-27 4.49.MD

Bullgarët janë të shqetësuar për gjëra më të rëndësishme sesa kriza politike

Për 2/3 e bullgarëve, problemet më të rëndësishme janë "papunësia" - 39 për qind dhe kostoja e jetesës - 26 për qind, sipas një sondazhi përfaqësues të Eurobarometrit nga shkurti 2024. Për 28 për qind, kujdesi shëndetësor është shqetësimi tjetër më..

botuar më 24-03-27 12.24.MD