“Thirrja ime është – më pak armë dhe më shumë dialog” – tha presidenti Rumen Radev gjatë ligjëratës së tij të sotme, të mbajtur në Universitetin Ekonomik në Sofje. Këtë e deklaroi në përgjigje të pyetjes së një studenti ,të lidhur me operacionin ushtarak të SHBA-së, Britanisë së Madhe dhe Francës në Siri.

Ky operacion tregon se OKB-ja ka gjithnjë e më pak ndikim mbi proceset politike në botë, por në të njëjtën kohë askush nuk mund ta zëvendësojë këtë organizatë në marrëdhëniet ndërkombëtare. Kështu rreziku për botën shtohet, në vend që të ulet, komentoi Rumen Radevi. Më vonë u bë e qartë se datat e vizitës së tij në Moskë do të jenë 21 dhe 22 maj.

Vizita e presidentit rus në Bullgari deri tani është diskutuar vetëm në mënyrë parimore dhe akoma nuk është folur për periudha konkrete apo data, shpjegoi kreu i shtetit.