Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Me “Thirrje për bashkëpunim nga Sofja” mbaroi konferenca për arsim efektiv digjital

БНР Новини

“Arsimi dhe zhvillimi i teknologjive digjitale janë ndër theksat kryesore të Presidencës Bullgare të Këshillit të BE-së”, komentoi Jasen Djullgerov, anëtar i Presidencës së Përhershme Bullgare pranë BE-së. Pikërisht arsimi ishte theksi i konferencës “Educate to create”: që nga përdoruesit digjitalë e gjer tek krijuesit digjitalë”, organizuar nga Presidenca Bullgare e Këshillit të BE-së. Në takim ishin të pranishëm Ministri i Mbrojtjes Krasimir Vëllçev, Kryetarja e Bashkisë së Sofjes Jordanka Fandëkova dhe Eurokomisionari për Arsimin, Kulturën, Rininë dhe Sportin – Tibor Navaraçiç. Eurokomisionarja për ekonominë dhe shoqërinë digjitale Maria Gabriel gjithashtu ishte ndër pjesëmarrësit. Mbi 350 veta, përfaqësues të Komisionit Evropian, politikanë, pedagogë, studentë, inovatorë, përfaqësues të biznesit dhe studiues u përfshinë në forumin dyditor. Debatet u përqendruan te nevoja urgjente për përmirësimin e aftësive digjitale dhe cilësisë së arsimit në vendin tonë.

Nxënësit lindin në botën digjitale. Ata kanë nevojë për të shprehur vetveten në sfera dhe në projekte të ndryshme nëpërmjet teknologjive digjitale. Të rinjtë kanë nevojë për të marrë sa më shumë dituri digjitale, që të shprehen në një mënyrë adekuate për mjedisin, në të cilin jetojnë” – komentoi Sillvia Kënçeva, eksperte në Ministrinë e Arsimit dhe Shkencës.

Снимка

Ndër temat e konferencës ishte zhvillimi i politikave për arsim të nivelit evropian, përfshi këtu Kornizën për kompetencat kyçe nga viti 2006, Planin digjital evropian për veprim dhe Pakon për modernizimin e arsimit. Theksi u vu edhe te dobitë e programit “Erasmus +” dhe mundësitë për financim evropian dhe përkrahje të aftësive dhe inovacioneve digjitale.

Digjitalizimi është sfera, e cila u lejon shteteve – pa pasur rëndësi zhvillimin e tyre ekonomik deri në momentin e tanishëm, të garantojnë vlerë të shtuar në ekonomi. Arsimi joformal është shumë i rëndësishëm për zhvillimin e ardhshëm të ekonomisë dhe të biznesit. Bullgarët janë prej më të mirëve në lëmin e matematikës dhe shkencave natyrore. Jo një herë e kemi thënë këtë. Para një jave përfunduam punën me rekomandim të Këshillit të BE-së për kompetencat kyçe – digjitale, sociale dhe të sipërmarrësisë. Kombinimi prej tyre është në thelbin e suksesit” – tha Jasen Djullgerov. 

Në kuadrin e konferencës u miratua “Thirrje për veprim nga Sofja” me rekomandime për politikanët dhe pedagogët në përkrahje të arsimit më efektiv digjital. Vizituesit kishin mundësi për t’u njohur edhe me inovatorët e rinj – nxënësit, të cilët i prezantuan projektet e tyre të teknologjisë së lartë. Vlladimir Gristov, nxënës nga Shkolla Teknologjike “Sisteme elektronike”, na tregoi:

Снимка

Kjo makinë është “Robko 01” – roboti i parë shkollor në Bullgari. Ai është prodhuar në Sofje në vitin 1987 dhe drejtohet nga kompjuteri “Pravec 8”. Pajisja ime lejon që roboti të drejtohet nga teknologjitë moderne kompjuterike. Desha të demonstrojë tendencën e tanishme në automatizimin industrial – teknologjitë e rrjetit po përhapen gjithnjë e më shumë në industri. Tendencat janë që uzinat të bëhet gjithnjë e më autonome dhe të ketë një komunikim më të madh mes makinave të prodhimit. Flitet për një revolucion të ri industrial.”

Ilian Kordev paraqiti punën e tij të diplomës në shkollë, me të cilën fitoi çmimin rinor të Asociacionit Bullgar të Teknologjive Informative:

Ky është sistemi, i cili i kap sulmet e hakerëve në pajisjet LINUX. Problemi lidhur me sigurinë në industri është i madh. Gjithnjë e më shumë kompani bëhen viktima të sulmeve kibernetike dhe vendosa të ndihmojë.

Martin Dacev na tregoi për projektin, me të cilin merr pjesë në garën shkollore “HACK TUES”:

Bëhet fjalë për një aplikacion, i cili përpunon sasi të mëdha tekstesh dhe i përgjithëson. Është i dobishëm, sepse çdo ditë ka shumë linqe, artikuj, video dhe është bukur të ketë një përgjithësim, që të kuptojmë se ku të thellohemi. Aplikimi mund të jetë i dobishëm në shumë sfera – në mjekësi, në financa, në biznes dhe arsim.”

Përgatiti në shqip: Vesella Mançeva

Foto: Lluiza Llazarova



Последвайте ни и в Google News Showcase, за да научите най-важното от деня!

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD