Varrezë 1700 vjeçare zbuluan arkeologët në trasenë e autostradës “Struma”

Foto: BGNES

Më se 1500 sende unike zbuluan arkeologët gjatë gërmimeve në trasenë nga ku do të kalojë një pjesë e re e autostradës “Struma”. Puna e arkeologëve të Akademisë Bullgare të Shkencave duhet të përfundojë deri në korrik, që të fillojë ndërtimi i pjesës midis vendbanimeve Bllagoevgrad dhe Krupnik.

Aty u zbulua një vendbanim i madh nga epoka perandorake romake. Aktualisht shkencëtarët studiojnë 12 godina të mëdha nga periudha midis shekujve të III-të dhe të VI-të. Zbulimet më të çmueshme janë 1000 monedha prej bronzi, disa prej argjendi dhe një të lyer me flori. U zbulua edhe një varrezë e paprekur e cila datohet para 1700 vitesh. Sendet e gjetura në të janë një gotë dhe një shishe prej qelqi me ornamente. Arkeologët supozojnë se ato janë rrënoja të vendbanimit Skaptopara, nga i cili e ka zanafillën qyteti i sotëm Bllagoevgrad. Për të dihet, se ishte një qytet trak ndërtuar pranë burimeve të ngrohta gjatë rrjedhjes së lumit Struma. Që të jenë të sigurt për këtë, ekspertët duhet të zbulojnë edhe mbishkrime gurore, me të cilat caktoheshin kufijtë e qyteteve në atë kohë. Gjatë gërmimeve të një terreni tjetër, nga ku do të kalojë autostrada, u zbuluan rrënojat e dy qyteteve të lashta, stoli prej bronzi dhe metaleve fisnike, qeramikë, atribute ushtarake.

Midis fshatrave Dren dhe Deljan ekipi zbuloi një objekt nga epoka e hershme e hekurit, i cili datohet në shekujt IX – VIII para Krishtit. U hulumtuan afro 100 varre, në të cilat kishte stoli, kopje, thika, municione kali etj. Në pjesën midis qyteteve Dupnica dhe Bllagoevgrad arkeologët gjetën rrënoja të një vendbanimi unik për Evropën nga neoliti i hershëm, i cili ekzistonte gjatë mijëvjeçarit të 8-të para Krishtit. Në një thellësi prej 3 metrash u zbulua kopsa më e vjetër prej sedefi dhe një gjilpërë, vegla pune, një tezgjah për endje etj.

Më shumë nga rubrika
Бистра Винарова и Симеон Радев

Simeon Radev dhe Bistra Vinarova – një dashuri jashtë kohës

Më 19 janar 2019 mbushen 140 vjet nga lindja e Simeon Radevit –diplomat, publicist, kritik arti, shkrimtar i jashtëzakonshëm në bullgarisht dhe frëngjisht. Ai është një personalitet i shquar me njohuri të thella në fusha të ndryshme. Përveç..

botuar më 19-01-19 1.35.MD

Tempulli i çudirave “Shën Andoni i Madh” në Mellnik

E quajnë kishën e çudirave, sepse i ndihmon njerëzit, të cilët e kanë humbur shpresën për kurimin e tyre. Është ndërtuar për nder të Shën Andonit në qytetin e vogël malor Mellnik, i cili është i njohur për kuriozitetet e tij natyrore dhe..

botuar më 19-01-17 2.20.MD
Снимка: h-museum-gabrovo.bg

Orkestrioni i vetëm në Bullgari i ruajtur në Мuzeun Historik të qytetit Gabrovo

Në vitet pas Çlirimit (1878) Bullgaria  tërheq arkitektë të dalluar evropianë si dhe industrialistë, të cilët ndihmojnë për rivendosjen e saj të shpejtë. Shumë i rëndësishëm është kontributi i austriakëve dhe i çekëve për ndryshimin e pamjes së..

botuar më 19-01-12 11.35.PD