Sot tre sherpë dhe tre shpëtimtarë kinezë po vazhdojnë kërkimin e alpinistit bullgar Bojan Petrov, i cili u zhduk gjatë një ekspedite në Himalajë duke u ngjitur në majën me lartësi mbi 8 mijë metra Shisha Pangma. MPJ-ja e Bullgarisë dhe misionet diplomatike në Pekin dhe Delhi janë në lidhje të pandërprerë me akoma katër ministri në Kinë lidhur me këtë problem, si dhe me Asociacionin Alpin të Tibetit dhe autoritetet e Nepalit. Institucionet kompetente na kanë siguruar se bëjnë çmos për zgjidhjen e këtij rasti.

Kryeministri Bojko Borisov gjithashtu pohoi se po bëhen të gjitha përpjekjet e mundshme për shpëtimin e alpinistit Bojan Petrov. “Jemi në kontakt me të afërmit e tij dhe me institucionet përkatëse në Nepal dhe Kinë. Ambasadori kinez tek ne premtoi se do të sigurojë leje për helikopterin, po të ketë mundësi për fluturim” – tha Borisovi. Ai shpreson se alpinistin do ta gjejnë të gjallë e të shëndoshë.

Ministrja e punëve të jashtme Ekaterina Zaharieva informoi se sot është gjetur helikopteri i përshtatshëm për operacionin e shpëtimit. Ajo nënvizoi se pala kineze bashkëpunon me të gjitha mënyrat e mundshme. Janë angazhuar 6 shpëtimtarë profesionistë, të cilët pavarësisht nga moti i keq tashmë 12 orë presin dhe menjëherë pasi bëhet e mundshme do të nisin për në kampin numër dy.