Batanijet „e rënda” ndihmojnë fëmijët dhe të moshuarit me probleme

Vitet e fundit shihet rritje e numrit të fëmijëve me çrregullime të spektrit të autizmit, me nevoja të veçanta arsimore, ndërsa tensioni dhe stresi shkelin ritmin dhe keqësojnë cilësinë e jetës së shumë njerëzve. Një nga mënyrat me ndihmën e së cilës këto gjendje të rënda njerëzore mund të përmirësohen në shkallë të madhe është batanija “e rëndë”. Kjo është një shpikje e re, e cila kohët e fundit fiton një popullaritet në rritje. Ajo rekomandohet nga specialistë të ndryshëm dhe aplikohet me sukses në terapinë e më se 35 sëmundjeve. Disa edhe e shfrytëzojnë si një mjet efektiv në rastet e pagjumësisë dhe në çrregullimet e ndryshme të gjumit. Si ndikon kjo batanije shpjegon Borisllava Kostova – prodhuesja e vetme e batanijeve “të rënda” në Bullgari:

Снимка

Pesha ose rëndimi janë të shpërndara mbi gjithë trupin e njeriut. Kështu rritet niveli i serotoninës – hormonit i cili qetëson mendjen dhe trupin. Ky hormon është lidhur edhe me melatoninën, e cila rregullon gjumin. Në këtë mënyrë ushtrohet ndikim mbi shumë çrregullime, për të cilat do të rekomandoheshin antidepresantë ose medikamente të tjera. Doemos batanija nuk mund të zëvendësojë terapinë e fëmijës ose të njeriut të moshuar me probleme serioze. Ajo është më tepër një mjet ndihmës pa efekte anësore.”

Снимка

Te fëmijët me autizëm batanija “e rëndë” ul shqetësimin dhe siguron stabilitet emocional. Rëndimi ndihmon që fëmija të ndiejë trupin e tij dhe të bëhet i aftë për të kuptuar hapësirën. Te paraliza cerebrale e fëmijëve sigurohet relaksimi dhe shtrirja e domosdoshme të grupeve të prekura të muskujve. Mbi fëmijët që vuajnë nga sindroma e deficitit të vëmendjes dhe hiperaktiviteti batanija “e rëndë” ushtron një efekt prehjeje dhe qetësimi dhe siguron përqendrim të vëmendjes. Te të moshuarit përmirësohet cilësia e gjumit të thellë dhe rregullohet gjendja shëndetësore në rast të sëmundjeve të llojllojshme. Ndryshe nga vendet perëndimore, në Bullgari informacioni për batanijet “e rënda” është shumë pak. Lajmi i mirë është, se pjesa dërmuese e specialistëve, që punojnë me fëmijë me probleme të tilla, po përgatiten jashtë shtetit dhe kështu transferojnë dituritë për ato mjete të reja ndihmëse edhe tek ne.

Снимка

Batanijet “e rënda” të cilat i bënë Borisllava Kostova duken si një batanije e zakonshme e punuar me katrore laramane secila me dimension 10 më 10. Forma dhe përmasat nuk janë të zgjedhura rastësisht. Pikërisht kjo madhësi e katroreve lejon që pesha në to të shpërndahet në mënyrë të saktë dhe të barabartë. Në punën e saj Borisllava Kostova shfrytëzon vetëm stofra prej pambuku me cilësi të lartë dhe dy lloje vatë. Atë që siguron peshën e batanijes janë copëza prej polipropileni me formën e thjerrëzës. Batanijet janë të përshtatura me peshën e fëmijës së veçantë. Prandaj punimi i tyre kërkon llogari të ndërlikuara matematikore, sepse pesha duhet të shpërndahet baras në të gjithë sektorët.

Снимка

Kjo peshë është një e dhjeta e peshës së trupit. Domethënë në se pesha e njeriut është 50 kilogram, atëherë rëndimi i cili duhet të ndahet nga mjekra deri te thembrat është 5 kilogram. E punoj batanijen ashtu që me rritjen e fëmijës të mos imponohet të ndërrohet tërë batanija” – shpjegon Borisllava Kostova.

Снимка

Batanijet “e rënda” pastrohen lehtë, sepse mund të lahen në makinë larëse në 40 gradë, ndërsa copëzat prej polipropileni nuk ndikohen nga preparatet e larjes dhe nuk lëshojnë asnjë erë. Kështu batanijet ruhen lehtë.

Снимка

Borisllava Kostova është prodhuese e vogël dhe punon të gjitha batanijet me dorë gjë që jep mundësi për qëndrim individual ndaj çdo klienti. Ideja e saj e ardhshme ka të bëjë me krijimin e një varianti më kompakt të batanijes, i cili të mbahet në prehër. Analizat tregojnë, se kjo rrit disa herë aftësinë e përqendrimit, sidomos të fëmijëve në klasën e parë dhe të fëmijëve të cilët kanë problem në përqendrimin mbi një detyrë. Vet Borisllava Kostova kërkon mundësi që ata që kanë nevojë për mjete të tilla ndihmëse t’ia shfrytëzojnë për një kohë që të ndiejnë mbi veten ndikimin e tyre të dobishëm. Fillimi u vu me punimin e batanijes së parë për një qendër të logopedisë.

Përgatiti në shqip: Svetllana Dimitrova

Foto: arkiv personal

Më shumë nga rubrika

Në botën përrallore prej qelqi të Momka Peevës

Bizhuteri prej qelqi, sende të ndryshme dhe prodhime të artit ndriçojnë me ngjyra të shumta në sajë të një bullgareje, e cila ka emigruar në Shtetet e Bashkuara me një ëndërr të vetme... të jetë gjyshe. Por 20 vjet më vonë firma e saj për ngjyra..

botuar më 18-08-19 11.45.PD

Asociacioni bullgar i kompanive të softuerit kërkon arsye për kthimin e bullgarëve të rinj në atdhe

Asociacioni bullgar i kompanive të softuerit filloi nismën "ЗАвръщането", (“PËRkthimin”) qëllimi i së cilës është kapërcimi i mungesës së specialistëve tek ne. Asociacioni filloi një anketë ndër bullgarët jashtë shtetit, në të cilën ata tregojnë për..

botuar më 18-08-19 10.15.PD

„Qeni i çalë“ – ndërtesa e parë bullgare në Antarktidë

Në gjirin jugor të Antarktidës ndodhet ishulli Livingstën, ku është ndërtuar baza polare bullgare “Shën Kliment i Ohrit”. Ekspedita e parë shkencore bullgare mbërriti në kontinentin e akullt gjatë pranverës së vitit 1988 dhe atëherë ajo vuri..

botuar më 18-08-17 4.48.MD