Bullgaria i ka zbatuar të gjitha kriteret që të hyjë në “sallën e pritjes” të eurozonës, por nuk duhet të kemi pritje jorealiste, deklaroi para Radios Kombëtare Bullgare Kryetari i Asociacionit të Bankave te ne Petër Andronov.

Ai shtoi se sistemi bankar bullgar është në gjendje të mirë dhe i përdor këto disa vite të rritjes, që të zmadhojë kapitalin e vet. Sipas tij jo të gjitha vendet anëtare të eurozonës kanë pasur sistem të qëndrueshëm bankar, kur e kanë pranuar valutën unike evropiane. Por sot, për shkak të mësimit të hidhur nga kriza financiare, Banka Qendrore Evropiane është shumë e vëmendshme sa i përket zgjerimit të eurozonës. Andronov parashikon se pas hyrjes së Bullgarisë në eurozonë nuk do t’i humbasim kursimet që i kemi në leva, sepse do ta ruajmë kursin e fiksuar valutor. Ai përjashtoi mundësinë e rritjes së madhe të çmimeve, sepse inflacioni nuk do të jetë serioz.