Arti “sundon” për një ditë rrugën “Car Samuill” në kryeqytet

Autor:
Perkusionistë të rinj nga Shkolla Muzikore në Sofje

Ditën e shtunë më 12 maj në rrugën “Car Samuill” arti do të jetë në kontakt të pandërprerë me kalimtarët gjatë tërë ditës. Për të dytin vit me radhë fondacioni “Megjithë” e shndërron një prej rrugëve më artistike të Sofjes në hapësirë të lirë për artin. Këtë herë aktivitetet në kuadrin e projektit “Evropa në syrin e të rinjve në art” do t’i kushtohen përvjetorit të 90 të lindjes së prof. Dobri Paliev – themeluesi i shkollës bullgare për perkusione. 

СнимкаVitin e kaluar në qendër të vëmendjes ishte kompozitori Dimitër Nenov, i cili ka banuar afër kësaj rruge, ndërsa tani janë bateritë – na tregon Stefan Xhambazov, kryetari i fondacionit. – E shfrytëzojmë përvjetorin e Dobri Palikovit më tepër si pikënisje, kurse ideja është që të takohen artet dhe të formohet një bashkësi shpirtërore. Pra, kjo pjesë e rrugës (midis “Denkoglu” dhe “Sollunksa”, ku ndodhen disa galeri, atelie, shtëpia e legjendës së operës Boris Hristov, e cila tani është muze, art-shtëpia “Kukujt”, të shndërrohet në hapësirë shpirtërore dhe njerëzit ta konsiderojnë si qendër kulturore dhe jo si një vend, ku thjeshtë kalojnë duke shkuar në shtëpi.

Edmond Demerxhijan me bateritë e tijNë mëngjesin e së shtunës galeritë “Parisi”, “Astri”, “Kontrast” dhe “Intro” do të hapin dyer për vizituesit. Ata do të ekspozojnë piktura të piktorit dhe bateristit Edmond Demirxhian, të Dimo Kolibarovit, të Gredi Assa, të krijuesve të bashkuar me emrin “Bullgaria bashkëkohore”. Kurse galeria “Spacio” do të paraqesë printime në tekstil me “Fusha emocionale”

СнимкаGaleria jonë është e hapur për autorët e rinj bullgarë dhe atje do të paraqesim dizajneren Sofia Djavollova, e cila i ka mbaruar studimet në Firence dhe ka stazh në firmat e mëdha italiane të modës – thotë kujdestarja e galerisë Sillvia Bezuhanova. – Në projektin e saj konceptual ajo i trajton materiet me teknika të reja – pikturon mbi to, i përpunon me bojë, disa prej tyre i vendos në caqe transparente si piktura.

Mirëpo, arti figurativ nuk do të jetë i vetmuar në galeri. Tërë ditën nxënësit e gjimnazit të arteve figurative të kryeqytetit do të rikrijojnë në rrugë temën “Bateritë”, kurse tingulli do të materializohet herën pasdreke me një prej veglave më të përdorura muzikore bullgare.

СнимкаE hapim aktivitetin me ansamblin “Tupan” dhe veprën e Stojan Jankullovit të kompozuar posaçërisht për grupin – thotë udhëheqësja e tij Maria Palieva. – Dhjetë daulltarë nga shkolla muzikore do të interpretojnë një kombinim prej dhjetë vallesh me energji të jashtëzakonshme. Për mendimin tim daullja është simbol i shpirtit bullgar – fuqia e bullgarit ndihet shumë fortë në këto interpretime, kurse emocioni është shumë i madh.

Asen Avramov në atelienë e vet „Njeriu në lëvizje“Disa studentë për aktorë do të marrin pjesë në një performancë në rrugë.

Ata do të interpretojnë Dies irae – një vepër, të cilën e kam kompozuar posaçërisht për ta – shton kompozitorja. – Dhe meqenëse bëhet fjalë për një shou në rrugë, ata do të përdorin si daulle kova, bidonë, varela etj. Përveç kësaj do të interpretojnë një valle ushtarake detare dhe dy këngë nga Rodopet.”

Në një skenë të posaçme do të kenë shfaqje ansambli “Paliev’s Sparkles”, Martian Tabakov, i cili do të luajë në instrumente “të krijuara si skulptura”, sipas fjalëve të organizatorëve, perkusionisti Branko Vëllçev, kurse në fund do të ketë shfaqje bateristi Aleksandër Daniell bashkë me trumbetarin e njohur Rosen Zahariev – Roko.

Martian Tabakov dhe Rosen Zahariev-Roko

Përgatiti në shqip: Vesella Mançeva

Foto: Diana Cankova dhe въпреки.com

Më shumë nga rubrika

Një vepër e Stefan Nikollaevit do të vendoset para Grand Palais në Paris

Skulptura monumentale Streetlight (nga anglishtja “llambë rruge”) e piktorit bullgar Stefan Nikollaev do të vendoset para hyrjes së Grand Palais në Paris. Ky është prezantimi i parë i veprës së një autori bullgar në ambientin urban të kryeqytetit..

botuar më 18-10-13 10.10.PD

46 filma dhe shumë dashuri në festivalin CineLibri 2018

Me fokus tematik mbi dashurinë në të gjitha përpjesëtimet e saj filloi edicioni i katërt i CineLibrit. Me moto “Dashuria midis rreshtave” nga 10 deri më 24 tetor në programin e festivalit janë përfshirë 300 projektimeve të 46 filmave në kryeqytet dhe në..

botuar më 18-10-12 1.02.MD
Zëvendës ministri i kulturës Amelia Gesheva , docenti doktor Hristo Popov, Shkëlqesia e Tij ambasadori i Greqisë Grigorios Vasillokonstandakis dhe doktoresha Polikseni Adam-Veleni në hapjen e ekspozitës.

Një ekspozitë tregon bashkëpunimin midis arkeologëve bullgarë dhe grekë

Në Muzeun Arkeologjik në Sofje është renditur ekspozita “Greqia – Bullgaria: Ura kulturore për përparim dhe zhvillim”. Bëhet fjalë për 11 pllakate, të cilat prezantojnë bashkëpunimin transkufitar midis të dyja shteteve në fushën e arkeologjisë...

botuar më 18-10-12 11.29.PD