Ngjarje me adresë ballkanike

Kryeministrat e Greqisë dhe Maqedonisë takohen gjatë kësaj jave në Sofje

Foto: BGNES

Pas bisedimeve të vazhdueshme me ministrat e jashtëm të Greqisë dhe Maqedonisë, Nikos Koxias dhe Nikolla Dimitrov, në fund të javës pranë Athinës, ndërmjetësi ndërkombëtar në bisedimet për emrin e Maqedonisë Matju Nimic shpalli, se më 17 maj në Sofje do të takohen edhe kryeministrat e të dy shteteve, Aleksis Cipras dhe Zoran Zaev. Bisedimet në nivel ministrash ndërmjetësi i caktoi si serioze dhe të tensionuara, por në fund të fundit pozitive. Bisedimet e ardhshme midis të dy kryeministrave do të mbahen në kuadrin e takimit të nivelit të lartë BE-ja-Ballkani Perëndimor në kryeqytetin bullgar.


Athina pret zhvillim të mirë të bisedimeve për emrin

Foto: koutipandoras.gr

Qeveria e Greqisë pret zhvillim të mirë të bisedimeve për zgjidhjen e mosmarrëveshjes për emrin e Maqedonisë. Këtë e njoftoi zëdhënësi i saj Dhimitris Canakopullos. Mediat në Greqi komentuan, se në bisedimet e fundit midis zotërinjve Koxijas dhe Dimitrov pozitat e të dy vendeve u përputhën dhe hapën rrugën për takimin e kryeministrave. Ai do të jetë edhe faza përfundimtare e bisedimeve. Pritet që në të në nivel më të lartë të gjenerohen zgjidhje kyçe. 


Media dhe struktura politike në Maqedoni realizojnë propagandë antiperëndimore

Foto: nezavisen.mk

Gjatë vitit 2017 Maqedonia qëndroi para kërcënimeve serioze hibride, të cilat përputheshin me ndërrimin e pushtetit dhe krijimin e marrëdhënieve të reja me shtetet fqinje. Kjo theksohet në raportin vjetor të Agjencisë Maqedonase të Hetimit. Prioritete të agjencisë vjet ishin “zbulimi dhe lokalizimi i ndikimin destruktiv të fuqive të jashtme, të cilat nëpërmjet strukturave mediatike dhe politike në Maqedoni dhe në rajon orvateshin të ndikojnë mbi opinionin e shtetasve, duke formuar pozita antiperëndimore (kundër BE-së dhe NATO-së)” theksohet në raport. Një vëmendje serioze gjatë viteve hetimi u caktonte problemeve të lidhura me migracionin ilegal, ekstremizmin fetar, terrorizmin ndërkombëtar dhe krimin transnacional.


Beogradi nuk pranon anëtarësimin e Kosovës në OKB-në kundrejt Bashkimit të Komunave Serbe

Foto: novosti.rs

Serbia nuk do të pranojë anëtarësimin e Kosovës në OKB-në kundrejt krijimit të Bashkimit të Komunave Serbe. Këtë e shpalli kryetari i komisionit parlamentar për Kosovën Millovan Drecun. Para kësaj deklarate disa media serbe u njoftuan, se vendet perëndimore mendojnë variant për ndryshimin e formës së dialogut midis Beogradit dhe Prishtinës. Sipas Agjencisë Tanjug mendohet përfshirja e më shumë ndërmjetësve në bisedimet dhe miratimi i shpejtë i gjërave të papranueshme për Serbinë. Gazeta “Srëbski Telegraf” boton 11 “pika kyçe” të një dokumenti të quajtur “Plan për përkrahje të integrimit ndërkombëtar të Kosovës”, i cili sipas deklaratave në Uashington u miratua nga SHBA-ja, Gjermania, Franca, Britania e Madhe dhe Italia.


Erdogani insiston që në Këshillin e Sigurimit të OKB-së të ketë një shtet islamik

Foto: akparti.org.tr

Në një forum ndërkombëtar studentor në Stamboll, organizuar nga Federata e Asociacioneve Ndërkombëtare Studentore, presidenti i Turqisë Rexhep Erdogan deklaroi, se OKB-ja duhet të riorganizohet. Duke siguruar, se Turqia është për çdo platformë, e cila do të bëjë botën më të drejtë, presidenti ripohoi qëndrimin, se në Këshillin e Sigurimit të OKB-së nuk ka asnjë shtet mysliman dhe duhet të vendoset një drejtësi. Përfshirja e një shteti mysliman në këshill sipas kreut të shtetit turk, do të ndihmojë për përballimin e atmosferës së frikës nga pesë anëtarët e tanishëm të përhershëm të Këshillit të Sigurimit të OKB-së.


Hetojnë ish ministrin shqiptar të punëve të brendshme për trafik droge

Foto: gazeta-shqip.com

Gjykata në Tiranë imponoi masën “Arrest shtëpiak” të ish ministrit të punëve të brendshme Saimir Tahiri, i cili është bashkëpunëtor shumëvjeçar i kryeministrit Edi Rama. Tahiri ishte ministër i punëve të brendshme nga viti 2013 deri në vitin 2017. Javën e kaluar ai dha dorëheqje si deputet. Kundër tij u ngrit akuzë për pjesëmarrje në një rrjet ndërkombëtar të trafikimit të sasive të mëdha të kanabisit, në krye të të cilit qëndron një i afërm i Tahirit arrestuar në Itali. Ish ministri shpall se është i pafajshëm dhe se do të kërkojë drejtësi me ndihmën e autoriteteve gjyqësore, duke persekutuar të gjithë të cilët drejtuan akuza kundër tij.

Përpilues: Stoimen Pavllov

Përgatiti në shqip: Svetllana Dimitrova

Më shumë nga rubrika

Iluministi i sotëm është një njeri me zemër të madh, me durim dhe me vullnet për fitore

Dita e Arsimit dhe Kulturës Bullgare dhe e Shkrimit Sllav – 24 Maji është një nga pak festat tek ne, të cilat nuk na kundërvë në diskutimet e përjetshme midis përkrahësve dhe kundërshtarëve. Është fakt, se asnjë politik deri tashti nuk i ka lejuar..

botuar më 18-05-24 11.25.PD

Detyra më e rëndësishme e mediave publike është të thonë të vërtetën

Financimi i pamjaftueshëm, zhvillimi digjital dhe angazhimi i publikut të ri janë sfidat, para të cilave qëndrojnë të gjitha mediat publike në Evropën Juglindore – u bë e qartë gjatë kohës së forumit të organizuar nga Radioja Kombëtare Bullgare...

botuar më 18-05-21 4.01.MD

Ngjarje me adresë ballkanike

Presidenti i Turqisë zhvilloi një miting paraelektoral në Sarajevë Presidenti i Turqisë Rexhep Tajip Erdogan mbajti në Sarajevë një fjalim paraelektoral para mijëra shtetasve turq, të cilët erdhën posaçërisht për këtë nga shtete të..

botuar më 18-05-21 2.26.MD