Akademia Bullgare e Shkencave ishte organizatore e Mbledhjes së 19-të të Përgjithshme të Federatës së të gjitha Akademive Evropiane (ALLEA – All European Academies). Ajo u shoqërua me një simpozium shkencor me temë: “Shkenca në kohën e sfidës ndaj besimit dhe përvojës”.

U diskutuan probleme fondamentale si besimi te ekspertiza dhe faktet shkencore, roli i shkencës në marrjen e vendimeve e kështu me radhë. U mbajt dhe konferenca “Teza shkencore për politikën e akademive evropiane”. Ato veprimtari janë pjesë e kalendarit të Presidencës Bullgare të Këshillit të BE-së.

Në një ceremoni të rastit komisionaria evropiane e ekonomisë dhe e shoqërisë digjitale Marija Gabriell dorëzoi çmimin “Madam djo Stall”. Dekorata jepet çdo vit nga Federata e Akademive Evropiane për kontribut në vlerat kulturore të Evropës dhe në përkrahje të idesë së integrimit evropian. Mbajtëse e çmimit për vitin 2018 u bë profesoresha Andrea Petjo nga Universiteti Qendror Evropian në Budapest të Hungarisë.