Komisioni Evropian paraqiti sot një raport për përparimin e shteteve nga BE-ja në rrugën e aplikimit të euros. Raporti përfshin Bullgarinë, Çekinë, Hungarinë, Poloninë, Rumaninë dhe Suedinë. Në dokument shënohet se këto shtete kanë arritur një konvergjencë të konsiderueshme nominale, por tani për tani asnjë prej tyre nuk u përgjigjet të gjitha kushteve për aderimin në eurozonë. Bullgaria dhe Kroacia i zbatojnë të gjitha kërkesat për konvergjencën, me përjashtim të kërkesave për kursin valutor, sepse ato nuk janë pjesë e mekanizmit valutor (ERM II), shtohet në raportin e KE-së. Zëvendëskryetari i KE-së Valdis Dombrovskis komentoi se “Bullgaria tashmë i zbaton kërkesat nominale të Maastrihit. E përshëndesim punën e tanishme të autoriteteve bullgare për përfshirjen në mekanizmin valutor (ERM II), kështu qe të zbatohet edhe kërkesa për stabilitetin e kursit valutor”, nënvizoi Zëvendëskryetari i Komisionit Evropian.