Procesi i aderimit në eurozonë, i cili filloi me pjesëmarrjen në të ashtuquajturën “sallë pritjeje”, do të jetë katalizator i reformave në Bullgari dhe do të ndikojë favorshëm mbi ekonomi, pavarësisht nëse vendi është në bashkimin valutor, ose do të mbetet jashtë tij. Ky është mendimi i shefit të Bankës Popullore Bullgare Dimitër Radev i shprehur në botimin “Investitori Publik Botëror” (Global Public Investor) të Forumit Zyrtar të Institucioneve Monetare dhe Financiare (OMFIF), bëri të ditur Banka Popullore Bullgare. “Vetë udhëtimi është kaq i rëndësishëm, sa edhe arritja e qëllimit përfundimtar”, mendon Radev. Ai vë në dukje se Bullgaria shënon tregues të mirë makroekonomikë – mbi dy dekada stabilitet monetar, kurs valutor i fiksuar ndaj euros, këmbimi i levës është fiksuar ndaj euros dhe Këshilli Monetar është i qëndrueshëm si në kohëra të mira, ashtu dhe në kohëra të vështira, madje gjatë krizës në vitin 2008. Bullgaria në përgjithësi mirëmban një buxhet të balancuar dhe është e njohur për raportin më të ulët borxh/PBB në BE. Sektori bankar është i shëndoshë” – shënon shefi i Bankës Qendrore. Prandaj, sipas Radevit, është logjikshëm që të pritet që “një vend me përvojë të tillë të mos ndalohet, por të përshëndetet ecja e saj në rrugën drejt eurozonës nëpërmjet pjesëmarrjes së levës në ERM II.