Në Ohio të SHBA-së zhvillohet një festival për nder të MacGahanit, i cili ka bërë shumë për çlirimin e Bullgarisë nga robëria osmane

Foto: arkiv

Për të 40-in vit me radhë në New Lexington, një qytet i vogël në zemrën e shtetit Ohio të SHBA-së, zhvillohet një festival për nder të gazetarit të madh amerikan Januarius MacGahan, i cili ka kontribuuar shumë për çlirimin e Bullgarisë nga zgjedha pesëshekullore turke dhe e ka dhënë jetën e vet për këtë kauzë.

Ai e ka filluar karrierën e vet si korrespondent ushtarak në Francë. Në vitin 1876 Januarius MacGahan shkroi për gazetën e Londrës “Daily News” një sërë reportazhesh nga Bullgaria pas shuarjes së Kryengritjes së Prillit. Ai e vizitoi qytetin Batak, ku u krye një prej masakrave më të mëdha të banorëve civilë. Gazetari publikoi një artikull tronditës për fatin tragjik të heroinës bullgare Rajna Knjagjinja, të torturuar nga robëruesit. Publikimet e tij e tronditën tërë botën, kryesisht Britaninë e Madhe, ku qeveria e mirëmbante tërësinë e Perandorisë Osmane, por opinioni publik e përkrahu kauzën bullgare. Gjatë Luftës Çlirimtare Ruso-Turke MacGahan përsëri ishte ekspert ushtarak. Ai shkruante për mbrojtjen heroike të Grykës së Malit të Shipkës nga rusët dhe bullgarët, ku ishte kulmi i luftës. Ai arriti deri në Stambollin e sotëm dhe u bë viktimë e epidemisë së tifos, një sëmundje që ishte përhapur në ushtrinë fituese ruse.

Festivali i parë për nder të Makgahanit u organizua me rastin e përvjetorit të 100 të vdekjes së tij në vitin 1978. Deri atëherë gazetari  ishte pak i njohur në qytetin e tij të lindjes, megjithëse në autostradën para qytetit është vendosur mbishkrimi “Afër është vendlindja e Makgahanit, luftëtar për çlirimin e Bullgarisë.” Para 40 vitesh një grup amerikanësh me origjinë bullgare, banorë të Clevelandit ndërmorën iniciativën dhe arritën të marrin përkrahjen e shoqërisë vendase për organizimin e një festivali vjetor në kujtim të gazetarit. Ambasadori i Republikës së Bullgarisë në SHBA Tihomir Stojçev ishte mysafir nderi në këtë edicion jubilar të festivalit.

Më shumë nga rubrika

Një ekspozitë në qytetin Lloveç bashkon lutje nga të gjitha fetë

Në kuadrin e Strategjisë së Komunikimit të Bullgarisë për BE-në 2019 në hyrjen e Administratës Krahinore të qytetit Lloveç u hap ekspozita “Lutje në pesë gjuhë”. Sivjet një nga temat është “Toleranca dhe parandalimi i gjuhës së urrejtjes”...

botuar më 19-06-15 10.10.PD

Samokov - qytet i traditave të Rilindjes

Në të kaluarën jo të largët qyteti Samokov ka qenë i njohur si një qendër e kulturës, e arsimit dhe e zografëve të njohur. Por, shtytjen kryesore në zhvillimin e tij e dha prodhimi i hekurit, i njohur në rajon nga mesi i mijëvjeçarit të parë para..

botuar më 19-06-13 2.07.MD

Ndikimet evropiane në modën e qytetit Veliko Tërnovo pas Çlirimit

Çlirimi i Bullgarisë nga sundimi osman (1878) lind ngjarje dhe dukuri, të cilat do të paracaktojnë rrugën tonë të qytetërimit. Me pranimin e Kushtetutës së qytetit VelikoTërnovo fillon ndërtimi institucional i shtetit bullgar. Kurse gjithnjë e..

botuar më 19-06-09 11.50.PD