Vallë, a bën kthesë Bullgaria në Lindje

Ata të cilët e nënshkruan deklaratën përfundimtare në Varshavë ripohuan edhe përkrahjen e shteteve të tyre për doktrinën e NATO-së për Rusinë.
Foto: BGNES

Në fund të muajit maj sociologu nga “Galllëp Interneshënëll” Përvan Seimeonov komentoi para Radios Kombëtare Bullgare, se “gjatë disa muajve të fundit Bullgaria bën një kthesë të dukshme në Lindje”. Si shenje për këtë zoti Simeonov tregoi pozitën e Sofjes ndaj kazusit “Skripall”, rifillimin e temës për projektin e pezulluar të Centralit Atomik Elektrik “Belene” dhe disa vizita të nivelit të lartë. Analizatori Harllan Aleksandrov, gjithashtu para Radios Kombëtare Bullgare po atë ditë, u pajtua se në të vërtetë në politikën e Bullgarisë shihet një orientim te Lindja.

Në frazeologjinë politike të Bullgarisë nën orientim “lindor” nënkuptohet “prorus”, ndërsa nën të “perëndimor” – orientimnë drejtim të kundërt. Me orientimin e parë lidhen kryesisht forcat politike të së majtës, ndërsa me të të dytë – të së djathtas.

Nja dhjetë ditë pas komenteve të lartpërmendura parlamenti miratoi projektin e propozuar nga qeveria për modernizimin e forcave të armatosura. Parashikohet blerja e aeroplanëve për Forcat Ushtarako-Ajrore, të cilët pa dyshim mund të caktojmë si “perëndimorë” sipas prodhuesit, dhe të makinave luftarake për këmbësorinë, të cilat askush deri tashti nuk e ka quajtur “lindor” (domethënë rus). Projekti për modernizimin e forcave të armatosura mori përkrahjen si të hapësirës së majtë politike, ashtu edhe të asaj të së djathtës. Partia e vetme e cila votoi kundër ishte “Volja” me argumentime popullsite, jo politike. Ajo deklaroi, se blerja e teknikës ushtarake duhet të bëhet pas zgjidhjes së problemeve lidhura me sigurimin e pensioneve, me shëndetësinë dhe me sigurinë e shtetasve, sepse prej shumë kohe Bullgaria nuk është e kërcënuar nga jashtë, por prej shumë vitesh populli i saj jeton në varfëri.

Përderisa në Sofje parlamenti miratonte projektin për modernizimin e ushtrisë me teknikë “perëndimore”, në Varshavë në kuadrin e të ashtuquajturës Iniciativë b-9 presidentët e Polonisë, Sllovakisë, Hungarisë, Rumani, Bullgarisë, Estonit, Letonisë, dhe Lituanisë, nënshkruan një deklaratë në të cilën ngulin këmbë për prani më të fortë të NATO-së në Evropën Lindore dhe Jugore. Iniciativa B-9 lindi në vitin 2015 në Bukuresht dhe prandaj në emër pranoi germën e parë të kryeqytetit rumun. Kjo iniciativë pretendon të jetë “zëri unik” i krahut lindor të NATO-së, ndërsa nga Varshava ky zë deklaroi, se rritja e kapacitetit luftarak dhe mobilitetit të Aleancës është me rëndësi të madhe. Në deklaratën përfundimtare në Varshavë flitet edhe për konfliktin e pazgjidhur në Ukrainë dhe për kërcënimet që rrjedhin nga Rusia. Pjesëmarrësit të cilët e nënshkruan dokumentin ripohuan përkrahjen e shteteve të tyre për doktrinën e NATO-së për Rusinë, e cila gërsheton parandalimin me fillimin e dialogut politik. Përkrahja e presidentit Radev për dokumentin e Varshavës nuk është një shenje për “kthesë në Lindje”, më tepër është një shenje për identifikim të plotë me pozitat ushtarako-politike të NATO-së. Zhvillimet javën e fundit, treguan në mënyrë të qartë, se në proceset politike në Bullgari nuk shihet një riorientim nga Perëndimi drejt Lindjes dhe se vendi vazhdon të jetë lidhur me orientimin euroatlantik.

Përgatiti në shqip: Svetllana Dimitrova



Më shumë nga rubrika

Reaksionet e Sofjes për ndryshimet kushtetuese në Maqedoni – të shpejta dhe të pritura

Ndryshimet kushtetuese të miratuara të premten e kaluar në Shkup, të cilat kanë të bëjnë me shndërrimin e emrit të Republikës së Maqedonisë në Republikën e Maqedonisë Veriore, shkaktuan reaksione shumë të shpejta dhe të pritura në Sofje. Herët..

botuar më 18-10-22 3.33.MD
Ministri i shëndetësisë Kirill Ananiev

Shëndetësia në fokus ose jashtë fokusit në debatin për votë mosbesimi ndaj qeverisë

Ditën e mërkurë gjatë kësaj jave parlamenti do të votojë kërkesën e Partisë Socialiste Bullgare të mosbesimit ndaj qeverisë së tretë të Bojko Borisovit. Socialistët tanimë kërkuan votë mosbesimi për kabinetin “Borisov 1” gjatë vitit 2010, por pa..

botuar më 18-10-22 2.47.MD

Herën e tretë për këtë vit socialistët kërkojnë mocion mosbesimi ndaj kabinetit “Borisov 3”

Më 15 tetor e majta paraqiti kërkesën e tretë të votës së mosbesimit për vitin 2018 ndaj qeverisë. E para ishte në fillim të Presidencës Bullgare të Këshillit të BE-së gjatë janarit me akuzë në korrupsion, por nuk arriti qëllimin. Një mocion i..

botuar më 18-10-16 1.18.MD