Pasi kombëtarja jonë e futbollit nuk mund të klasifikohet për të pestën herë me radhë në Kampionatin Botëror (krahas tri kampionateve evropiane me radhë) fansat bullgarë përsëri do t’i përkrahin skuadrat e preferuara të huaja. Megjithatë futbolli ynë do të qetësohet me faktin se disa futbollistë nga Liga e Parë Profesionale do të kenë mundësinë të marrin pjesë në Kampionatin Botëror të Futbollit në Rusi, i cili filloi ditën e enjte. Ata janë vetëm dy – shtylla islandeze e mbrojtjes në “Levski” Hólmar Eyjólfsson dhe mesfushori polak i “Lludogorec”-it Jacek Góralski. Kishte shans edhe për mbrojtësin nigerian të skuadrës bullgare “Llokomotiv” (Plovdiv) Stephen Eze, por trajneri i Nigerisë në fund të fundit e lëri jashtë kombëtares. Sulmuesi i “Lludogorec” Jakub Shviereçok nga Polonia gjithashtu mbeti jashtë kombëtares së futbollit të Polonisë, megjithë shtatë golat e shënuar nga ai në Ligën e Parë këtë pranverë.