Piktura që kushtojnë milionë euro janë ekspozuar në galerinë-muze “Klasika” në Sofje deri në fund të qershorit. Vetëm kryevepra e Henri de Toulouse-Lautrec “Gruaja mace” është me vlerë mbi 300 mijë euro, thotë dr. Georgi Genov. Ai ka paguar një pasuri të tërë që të blejë pikturën e post-impresionistit Lautrec (1864-1901) nga një koleksion privat në Stamboll. “Gruaja mace” e krijuar gjatë vitit 1895 dikur ka qenë pronësi e familjes mbretërore bullgare, por ishte shitur nga trashëgimtarët e mbretit Boris III. Mbi 130 vepra të porsazbuluara të mjeshtërve të vjetër janë ekspozuar në galeri. Në koleksion janë të pranishme vepra të pothuaj të gjithë klasikëve bullgarë – Ivan Tabakov, Vasill Stoillov, Nikolla Tanev, David Perec dhe shumë të tjerë. Vizituesit mund të shohin një seri të limituar prej shtypit litografik të Pablo Pikasosë, vepra të piktorit italian Leo Masinelli (1902-1983) etj. Pothuaj të gjitha pikturat mund të gjejnë pronarët e tyre të rinj ditën e diel, më 17 qershor, nga ora 18.00, kur në “Klasika” do të ketë ankand.