Në një bisedë telefonike Kryeministri bullgar Bojko Borisov e përshëndeti Rexhep Erdoganin për fitoren e tij në zgjedhjet e parakohshme presidenciale në Turqi. Borisov shprehu kënaqjen e vet për kontaktet e forcuara midis Bullgarisë dhe Turqisë gjatë disa viteve të fundit dhe shënoi se shpreson që bashkëpunimi bilateral të vazhdojë edhe në të ardhmen. Kryeministri bullgar e njohu Erdoganin edhe me pozitën e shprehur nga ai para liderëve evropianë në Bruksel se marrëveshja me Turqinë duhet të vazhdojë të jetë në fuqi, që të përballohet kriza lidhur me migrantët. Borisov vuri në dukje gjithashtu se ka ngulur këmbë edhe një herë që BE-ja të paguajë pjesën tjetër të mjeteve, për të cilat u arrit marrëveshje. Presidenti turk e falënderoi Kryeministrin bullgar dhe shprehu shpresë për një partneritet edhe më të suksesshëm mes dy shteteve tona. Presidenti Erdogan u përshëndet edhe nga Presidenti bullgar Rumen Radev. “Besoj se vota e popullit turk nga 24 qershori 2018 do të jetë në thelbin e zhvillimit të qëndrueshëm dhe të suksesshëm të zhvillimit të Republikës së Turqisë dhe të prosperitetit të saj në të gjitha sferat”, vuri në dukje Rumen Radev në përshëndetjet drejtuar homologut të tij turk Rexhep Erdogan.